Иван Бошкович: “Гол киритганимиздан сўнг эътиборсизликка йўл қўйдик”
20 сен 2024 23:17
Янгиликлар

Иван Бошкович: “Гол киритганимиздан сўнг эътиборсизликка йўл қўйдик”

Суперлиганинг 19-туридан ўрин олган “Сўғдиёна” - “Андижон” (1:1) учрашувидан сўнг мезбонлар бош мураббийи Иван Бошкович ўз фикрларини билдириб ўтди.

- Қизиқарли ўйин бўлди. Гол уриб олганимиздан сўнг эътиборсизликларга йўл қўйдик. “Андижон” биз йўл қўйган хатодан унумли фойдаланиб кетди. Айтиш жоиз, 1:0 ҳисоби ғалаба қўлга киритилганини англатмайди. Аслида танаффусдан кейин қайтиб олиш қийинчилик туғдиради. Жисмоний жиҳатдан муаммолар кўзга ташланиши мумкин. Ғалаба эриш учун футболни юракдан ўйнаш керак, ёш болаларча йўл қўйилган хатолар кечирилмайди, қимматга тушади. Ҳар қандай эҳтимолий вазиятга тайёр турган ҳолда ирода кўрсатиш керак. Мен ҳоҳлаган футбол бугунги ўйинимизда кўринмади. Рақиб яхши ҳимояланди ва қарши ҳужумда хавфли ўйнади. Бизда голли вазиятлар етарлича эди, якуний зарбаларга аниқлик етишмади. Такрор айтаман, рақиб дарвозаси ишғол этилгандан сўнг фаолликни янада оширишимиз лозим эди - дейди жиззахликлар устози.

Ҳавола :

Манба : championat.asia

Янгиликларни Телеграмда ўқинг!

Рейтинг: +2