Испаниянинг 2-лигасидаги клуб "Реал"ни енгиш борасида "Боруссия"га ўз ёрдамини таклиф қилди

Немислар қитъанинг клублар ўртасидаги энг нуфузли мусобақасида ғолиб чиқиши учун мусобақанинг 14 карра чемпиони "Реал Мадрид"ни мағлуб этиши керак бўлади. "Қироллик клуби" Чемпионлар лигаси титуллари бўйича энг совриндор жамоа ҳисобланади.

Мадридликларнинг навбатдаги кубокни қўлга киритиш режасини барбод қилиш учун 2-дивизион жамоаси "Боруссия"га ишора қилиб, шундай пост қолдирган: "Реал"ни мағлуб этиш бўйича маслаҳат керак бўлса, ёрдам беришга тайёрмиз. Биз бироз немис тилида гаплаша оламиз", дея пост қолдирган.

Эслатиб ўтамиз, "Алькоркон" 2009 йилги Испания кубогида "Реал"ни 4:0 ҳисобида мағлубиятга учратган.