Ислом Тўхтахўжаев: "Омад ҳам бугун бизга кулиб боқди"

"Бу учрашувга 6:2 ҳисобидаги мағлубият учун аламни олиш учун тушгандик. Худога шукур мақсадимизга эришдик. Бир томондан олиб қарайдиган бўлсак, омад ҳам бизга кулиб боқди. Биринчи бўлимда улар кўплаб имкониятларидан фойдалана олишмагани ҳам бизга қўл келди. Машғулотларда Олег Зотеев жароҳат олиб қўйгани учун бугун асосан чап қанотда ўйнадим. Чунки Салим Мустафоев сариқ карточкалари сони иккитага етгани учун ўйинни қўйиб юборарди. Кейинги учрашувни мен ҳам ўтказиб юборадиган бўлдим. Одатда бу каби кичик деталлар учун ҳакамлар футболчиларга сариқ карточкалар беришмасди. Лекин бугун негадир барчага огоҳлантириш кўрсатилиб ташланди. Сўнгги пайтларда ҳакамлар "Локомотив"га ҳар битта вазиятда сариқ карточка кўрсатишмоқда. Бу баҳсга фақат ва фақат ғалаба учун майдонга тушгандик. Бироқ айнан йирик ҳисобда ютамиз деб режалаштирмагандик. Ушбу ғалаба ўтган учрашув учун муносиб жавоб бўлди деб ўйлайман", - дейди "Локомотив" ҳимоячиси Ислом Тўхтахўжаев.

Шаҳбоз Беғамов суҳбатлашди.