Ироқ ва Камбоджа - U-19 Осиё чемпионатининг охирги икки иштирокчиси

Маълумки, "A" гуруҳи учрашувлари аслида Ироқда бўлиб ўтиши керак эди, бироқ мамлакатда юз берган нотинч вазият сабаб ўйинлар Уммонга кўчирилди. Куни кеча Уммондаги баҳслар якунланиб, келаси йил Ўзбекистон мезбонлик қиладиган мусобақанинг охирги икки иштирокчиси маълум бўлди. 

"A" гуруҳида Ироқ ёшлар термаси биринчи ўринни эгаллади. Шунингдек, "G" гуруҳидан Камбоджа энг яхши иккинчи ўриндагилар қаторида йўлланмага эга чиқди. Шундай қилиб U-19 Осиё чемпионатининг барча 16 иштирокчиси қуйидагича кўриниш олди: 

Ўзбекистон (мезбон)

Ироқ

Қатар

Тожикистон

Эрон

Баҳрайн

Саудия Арабистони

Малайзия

Австралия

Жанубий Корея

Япония

Индонезия

Лаос

Вьетнам 

Яман

Камбоджа 

Эслатиб ўтамиз, 2020 йилги U-19 Осиё чемпионати 14-31 октябрь кунлари бўлиб ўтади. Ушбу мусобақанинг амалдаги ғолиби Саудия Арабистони ҳисобланади. Қитъа биринчилигида кучли тўртликка кирадиган жамоалар U-20 жаҳон чемпионатига йўл олишади.