Иордания термаси ҳимоячиси: "Ишимиз якунига етгани йўқ. Финалда ғалаба қозонамиз"

"Бизнинг жамоа дарвозабондан тортиб ҳужумчигача бир тизимда ишлайди. Биргаликда меҳнат қиламиз, ҳимоя ҳужумдан бошланади.

Ҳужум чизиғимиз жуда кучли, лекин ҳимоя қўрғонимиз билан ҳам мақтана оламиз. Бу босқичга айнан ишончли орқа чизиқ сабаб етиб келдик. Финал ўйини доим майда деталларга боғлиқ бўлган. Бу ўйинда аъло даражада ҳаракат қила оламан деб умид қиламан.

Иордания финалга чиққанидан фахрланади. Бироқ, ишимиз якунига етганича йўқ. Финалда ғалаба қозонамиз, деб ўйлайман. Шу тариқа мухлисларимизга бахт улашамиз.

Ҳал қилувчи ўйинга тайёргарлик кўриш учун барча нарсамиз бор. Ҳеч нарсага чалғиганимиз йўқ, финал ўйинига тўлиқ таёрмиз.

Фаолиятимиздаги эҳтимол энг муҳим ўйинда қатнашамиз. Оиламиз ёнимизда эканлиги шу ўринда катта мотивация беради. Улар стадионда бизни қўллаб-қувватлашади. Бу бутунлай ўзгача ҳис", -дейди Салим Ал Ажалин.

Эслатиб ўтамиз, Иордания ва Қатар термалари ўртасидаги Осиё кубоги финал ўйини 10 февраль куни, Тошкент вақти билан соат 20:00 да старт олади.