UZ

Сўнгги янгиликлар

03:18Европа лигаси. 4-саралаш босқичига чиққан барча жамоалар номи маълум  3 02:43Европа лигаси саралаши. Сенсация! "Заря" "Брага" қаршилигини синдира олди, "Бёрнли" қўшимча бўлимларда турк жамоасини мағлуб қилди  0 01:52А Сериянинг 1-тур ўйинларидан иккитаси қолдирилди  0 01:50Европа лигаси саралаши. "Қайрат" ва "Фейеноорд" турнирни тарк этди, "Севилья"дан 5:0  0 01:21"Зенит"/Дзюба/Семак - фантастика! Питерда "Зенит" "Динамо"ни шарманда қилди! (ВИДЕО)  17 00:30Ёзда АПЛдан кетиши мумкин бўлган топ-10 футболчи  4 23:55"Арсенал" ҳужумчиси А Серияга кўчиб ўтмоқда  4 23:32"Наполи" президенти хазилона охангда жамоа мухлисларини танқид қилди  1 23:14Рабьо фақатгина бир шарт билан шартномасини узайтириши мумкин  2 22:57"Реал" Пьянич учун таклифни янада оширди  4 22:43"Челси" Рамон Мончи учун "Манчестер Юнайтед" билан курашмоқда  3 22:27Каземиро жароҳати борасидаги хабарни рад этди  4 22:12"Барселона" иқтидори "Бордо"га ўтди  4 21:44Агуэро МЮ дарвозабони Де Хеа билан дўстлиги ҳақида гапириб берди  7 21:16Карикатура: "Атлетико" ўйинчилари "Реал"ни нокаут қилишди  15

Интервью. Азизжон Ғаниев: "Онам менинг ўйинларимни томоша қила олмайдилар" Янгиликлар

Интервью. Азизжон Ғаниев: "Онам менинг ўйинларимни томоша қила олмайдилар"

Январь ойида Хитой мамлакатида бўлиб ўтган U-23 Осиё чемпионатида Ўзбекистон терма жамоаси Осиё чемпиони бўлиб қайтганидан барчанинг хабари бор.

Равшан Ҳайдаров бошчилигидаги ушбу жамоанинг юқори чўққига чиқишига Азизжон Ғаниевнинг хиссаси катта бўлди десак муболаға бўлмайди. Ярим ҳимоячи мусобақанинг барча ўйинларида ўйнади. Унинг ярим финалда Жанубий Корея дарвозасига урган ажойиб голи Осиё чемпионатининг безагига айланди. Ушбу гол якунда ОФК томонидан мусобақанинг энг чиройли 10та голи орасига ҳам киритилди. Биз Ғаниев билан анчадан буён суҳбат қуришни режалаштириб юргандик. "Насаф" ОЧЛ-2018 плей-офф босқичида "Ал Файсали"ни йирик ҳисобда мағлуб этгач футболчи интервью берди.

- Осиё чемпиони Азизжон Ғаниев футболга қандай қизиқиб қолган?
- Кичкиналигимд Жиззахнинг "Сўғдиёна" клубининг машғулотларига жудаям қизиқардим ва деярли ҳар куни уни томоша қилишга борардим. Унда жудаям ёш эдим. Машғулотлар тугаши билан футболчиларнинг автобусига чиқиб олиб клуб билан базасига борардим. Футболга жудаям қаттиқ қизиқардим.

- Неча ёшдан футбол ўйнашни бошлагансиз?

- 8 ёшимда кўчаларда футбол ўйнаб юрардим. Ишонасзми маҳалламизда ҳар куни кечки пайт соат тўртда футбол ўйнардик. Кечқурун соат 9да ҳам "Сўғдиёна" стадионинга футбол ўйнашга борардик. Жудаям қизиқ бўларди. Стадион қоровулига барча боллар пул йиғиб берардик, бунинг эвазига стадион прожекторларини ёқиб берарди. Биз маза қилиб тўп тепардик.

- Шу ўринда футболдаги мураббийларингиз ҳақида тўхталиб ўтсангиз...
- Биринчи мураббийим Улуғбек Алматов бўлганлар. Бундан ташқари Усмон Муҳаммедшин, Баҳодир Аннаматов, Сергей Кучеренко, Нурали Султонов, Зафар Холмуродов, Жасур Абдураимов, Темур Олимхўжаев, Александр Мочинов, Равшан Ҳайдаров ва Рўзиқул Бердиев каби мураббийлар қўлида ўйнаганман. Уларнинг барчасига каттадан-катта раҳмат айтмоқчиман. Худо хоҳласа мураббийларимнинг юзларини ҳеч қачон ерга қаратмайман. Уларга муносиб шогирд эканлигимни исботлайман.


- Жиззахдан "Насаф"га ўтиш қачон ва қандай содир бўлган?
- "Насаф"га ўтишимга биринчи мураббийим Улуғбек Алматов сабабчи бўлганлар. Айнан шу киши мени "Насаф"га олиб борганлар. "Аждарлар" сафида мени Баҳодир Аннаматов ўз жамоасига қабул қилиб ҳар томонлама тарбиялаганлар. Бу мураббийимга яна бир бор катта раҳмат айтмоқчиман.

- Нечинчи йилдан буён "Насаф"дасиз?
- 2014 йилдан бери "Насаф" клуби тизимида ўйнаб келаяпман. Дастлаб ёшлар жамоасида ўйнадим. Кейин асосий таркибга қўшилдим.

- Қайси футболчиларга ҳавас қиласиз?
- Хориждан "Барселона"нинг испаниялик ярим ҳимоячиси Андрес Иньестанинг ўйинлари ёқади.  Ўзбекистондан эса Одил ака Аҳмедовнинг ҳаракатларига ҳавас қиламан.

- Сиз бир неча бор жарима тўпларидан ва олис масофалардан голлар ургансиз. Жумладан, Хитойдаги Осиё чемпионатида ҳам Жанубий Корея билан баҳсда узоқдан чиройли тўп киритдингиз. Кучли зарба туғмами ёки машғулотлар самарасими?
- Ёшлигимдан машғулотларда зарба бериш устидан кўп ишлардим, мағулотларда пайтида жарима тўпларини ҳам бажаришни канда қилмайман. Шу боис мендаги кучли зарба машғулотлар самараси десак ҳам бўлаверади.

- Кўпчилик оналар жароҳатлардан қўрқиб ўз фарзандларини футболчи бўлишини хоҳлашмайди. Сизда қандай бўлган?
- Ҳа, онажоним ўйинларимни кўришга қўрқадилар. Ҳеч бир ўйинимни кўрмайдилар. Учрашув тугаганидан кейин ҳисобни биладилар холос. Унгача дуо қилиб ўтирадилар.


- Шу кунгача борган шаҳарлар орасида энг ёққани қайси?
- Кўп давлатлар ва шаҳарларга борганман. Барибир ўзимизга етмайди. Чет эл шаҳарлари орасида Сингапур ва Дубай менга кўпроқ манзур бўлган. Осиё чемпиони бўлганимиз учун Хитой давлати ҳам ёдимдан чиқмайди энди.

- Футболчилар, умуман йигитлар овқат қилишга нўноқ бўлишади. Азизжон Ғаниев қайси таомни яхши тайёрлай олади?
- Шашликни. Ҳар сафар ўз уйимга борганимда оиламдагиларга шашлик қилиб бераман.

- Хитойдаги Осиё чемпионатидан қандай таассуротлар билан қайтдингиз?

- Таассуротлар жудаям ажойиб. Кучли рақиблар, ажойиб ўйинлар, супер голлар, хурсандчилик онлари ва чемпионлик! Биз бир оила бўлганиздан жудаям хурсандман. Ўша мусобақада бирга ўйнаган жамоадошларим, мураббийларим ва делегация аъзоларини соғинишни бошладим. Тошкентга қайтиб келганимиздан сўнг халқимиз бизни бунчалик тарзда кутиб олишини умуман тасаввур ҳам қилмаган эдик. Самолётдаги чарчоқларимиз бир зумда чиқиб кетди. Президентимиз Шавкат Мирзиёев биз футболчиларга шунчалик эътибор бериб ҳар биримизга Malibu совға қилдилар. Барча футболчилар ва мураббийлар Ўзбекистон фуқароси эканлигидан фахрланишди. Совға қилинган машинани дадамга тақдим қилмоқчиман.

- Илк турда Қатар билан ўйиндаги мағлубиятдан сўнг кийиниш хонасида муҳит қандай эди?
- Ўша ўйиндан кейин кайфиятимиз тушиб кетди ва боллар билан йиғилиб, бир бўлиб гаплашиб олдик. Кайфиятни кўтариб ишлашда давом eтдик ҳамда кетма-кет ғалабаларга эришдик.

- Танқидларни қандай қабул қиласиз?
- Танқидларни доимо тўғри қабул қиламан. Танқид келажак меваси дейишадику.

- Равшан Ҳайдаров қандай мураббий?
- Равшан Ҳайдаров самимий, тажрибали ва эътиборли мураббий. Ҳаётда ҳам боллар билан худди ака-укадек муносабатда бўладилар. Жамоани ўйинларга жуда ҳам зўр тайёрлайдилар. Футболда ғалаба жамоаники, мағлубият эса мураббийники деган гап бор. Лекин бу сафарги ғалаба мураббийники ҳам.


- Ушбу терма жамоадаги энг қувноқ футболчи ким эди?

- Тўғриси жамоамизда ҳамма жуда ҳам қувноқ, ҳазилкаш эди. Хитойдаги чемпионат вақтида дарвозабон Раҳимжон Давронов билан ҳазиллар жуда кўп бўлди (кулади).

- Вьетнам билан бўлган финал ўйинини ёдга олинг.
- Финал учрашуви ҳаво ҳарорати жуда ҳам совуқ эди. Қор тинмай ёғаётганди. Қорли майдонда ўйнаш қийинроқ бўлди албатта. Иккинчи таймдан олдин стадион ходимлари қорни тозалаб ташлашди. Кейин ўйинимиз анча осонлашди.

- Азизжон Ғанийевнинг футболдаги ва ҳаётдаги орзуси нима?
- Футболдаги орзуим Европа жамоларида ўйнаш ва мухлисларни янада хурсанд қилиш. Ҳаётдаги орзуим эса ҳар доим ота-онамни дуоларини олиб уларнинг хизматларида бўлиш.

Нарзулла Сайдуллаев суҳбатлашди

Рейтинг: +131   

Фикрлар

+22   
08 фев 08:08:40
PFutboolK
Офарин Азизжон! Сени жойинг факат Европа чемпионати хатто Россия хам эмас...
+11   
08 фев 08:05:32
King fanats
Azizjon shakarrrsan shakarrrr
+9   
08 фев 08:08:45
Black_Star
Bu bola nimaga kuchli o‘ynaydi desam Barsaga balet qilarkandee yashavoor O'zbegim o‘g‘loniii ...!
+6   
08 фев 10:02:54
Omonov Zafar
Eden Hazardga ham oxshab ketadimi G'aniyev
+6   
08 фев 09:01:34
Edik
Европа?! Азиз европа бу кийин масала. Агар хакикатданам европага утмокчи бусенг аввал уларни назарига туш. Бунинг учун эса чиройли уйинларинг бн Насафни Очлда чемпион кил
+3   
08 фев 11:27:21
Элдор Мустафоев
Азиз қайси мураббийни ажратиб кўрсатасан билмадимку, лекин бу даражага етишишингда Рўзи аканинг хизматлари жуда катта бўлса керак. Албатта ўзингга ҳам кўп нарса боғлиқ. Насафдан учирма бўлган акаларингни ҳаммасидаяам сандака инсонийлик хислатлари етишмасди. Гап эгасини топади.
+3   
08 фев 08:19:07
Murodov Bekzod
Азик молодец ука!!!! Гап йук санга ишлашда давом эт ва узинг орзу килгандек Инеста каби буюк футболчи булишини чин дилдан хохлаймиз ука!!! Биз Каршиликлар сани жудаям яхши курамиз,
+3   
08 фев 08:08:35
zufar chelsea&real
Nasafda o'zingni yanada ijobiy tomonlama korsatib keying yil shu kunlarda Europa grandlari safida paydo bolgin ilohim.
+2   
08 фев 11:47:07
Ahror Egamshukurov
Aziz uka sizga do‘stona maslaxatim arab chimpeanatlaridan taklif tushsa $ qancha bo‘lishidan qattiy nazar rad eting sabirli bo‘ling va mehnatdan to‘xtamang sizda va U-23 jamoadoshlaringizda yana ikkita imkonyat bor 1- 2019-Osiyo kubigi va 2022- mundiyal yo‘lidagi saralash va ishtirok etish, milliy jamoamiz oldiga qo‘yilgan bu ikki maqsadni a‘lo darajada bajarsangizlar Yevropani kuchli beshligidan ajoyib takliflar tushushiga aminman, faqat yulduzlik kasaligiga chalinmang
+2   
08 фев 10:46:32
JovlonTuropov
Uzbek futboli фойдаланувчининг фикрига жавоб бериш
Jizzaxdi bolasida
aka uzi jizzaxdan zurlari chiqadida
+2   
08 фев 08:50:25
лочинлар_96
Азизжон рахмат ука, тарбия берган ота-онангга рахмат.
+1   
13 фев 09:53:24
AZIZBEK OCHILOV
Omad Omad Omad
+1   
12 фев 10:21:24
Makhmud Makhmud
Нарзулла Сайдуллаев олийгохда укиган булсангиз керак,кандай килиб тугри езишни ургатишмаган хайронман. Чемпионат азиа мухаррирлари хам текширмас экан.
   
08 фев 12:21:11
Akobir Asrarov
Насаф мухлисларини тушунса булади шундай уйинчи узларида куп йиллар уйнашини исташади, МТЖ мухлислари эса ёш уйинчиларнинг легионер булиб МТЖга фойдаси тегишини исташади. менга колса соккани килгани яхши, Ватанимизга кайсидир чет давлатдан канча куп пул олиб кирса шунча яхши, лекин умумий ечим хам бор, Насаф катта пулга вропанинг топ клубига бир амаллаб сотиш, хам Насаф, хам МТЖ хам иктисод фойда курадиган
   
08 фев 11:29:58
Erkin Odilov - 19-79
Мани углим хам Улугбек Алматовда, Худо хохласа мана шу Азизжондай футболчи булишини хохлайман
championat.asia
< сўнгги янгиликларни кўриш

Энг яхшилар

Осиё ўйинлари-2018. Ўзбекистон Қатарни 6:0 ҳисобида мағлуб этди! Осиё ўйинлари-2018. Ўзбекистон Қатарни 6:0 ҳисобида мағлуб этди!
Осиё ўйинларининг 2-туридан ўрин олган Қатар - Ўзбекистон учрашуви...  274
"Атлетико" "Реал"ни мағлуб этди ва УЕФА Суперкубогини қўлга киритди "Атлетико" "Реал"ни мағлуб этди ва УЕФА Суперкубогини қўлга киритди
Ҳозиргина УЕФА суперкубоги доирасида "Реал" -...  105
Осиё ўйинлари. Ўзбекистон муддатдан аввал гуруҳда биринчи бўлди Осиё ўйинлари. Ўзбекистон муддатдан аввал гуруҳда биринчи бўлди
Индонезиядаги Осиё ўйинларининг футбол мусобақаси давом этмоқда.  74
ПРО-лига. "A" гуруҳи. 21-тур. “Андижон” – “Хоразм” 6:1 ва бошқа натижалар ПРО-лига. "A" гуруҳи. 21-тур. “Андижон” – “Хоразм” 6:1 ва бошқа натижалар
Айни дамда ПРО-лиганинг "A" гуруҳида 21-тур баҳслари...  68
������.�������

CA ни Facebook да ўқиш
учун "Yoqdi"ни босинг