Индзаги: "Дастлабки 20 дақиқада "Аталанта" катта босим уюштирди, 2:0дан кейин биз назоратни қўлга олдик"

"Ўйин қийин бўлишини билгандик, бироқ йигитлар ўйинни тўлиқлигича назорат қилишди. Дастлабки 20 дақиқа қийин ўтди, "Аталанта" катта босим уюштирди, бироқ 2:0дан кейин барчасини назорат қила бошладик. Афсус, яна гол ўтказиб юбордик. Шу кунга қадар ўз майдонида бирорта гол ўтказиб юбормаган жамоага қарши яхши учрашув ўтказдик.

Павар билан нима бўлганини кўрамиз. Менга айтишларича, унинг тизза қовоғи жойидан силжиб, яна жойига қайтган. Шифокорларимиз бу борада текширувлар олиб боришади, бироқ уни бир қанча вақтга йўқотдик, деб қўрқаман. Эндигина 11 ўйинни ортда қолдирдик, бироқ турнир жадвалида бундай поғонада бўлиб, ғалабага эришиш осон бўлмайди. Ўзимизга ишонамиз, бироқ ҳеч нима осонликча берилмайди", - деди Индзаги.

"Интер" навбатдаги учрашувини 8 ноябрь куни ЕЧЛ доирасида сафарда "Зальцбург"га қарши ўтказади.