Илҳом Мўминжонов: “Лушаннинг кетишини кутмагандим”
11 июн 2014 10:00
Янгиликлар

Илҳом Мўминжонов: “Лушаннинг кетишини кутмагандим”

Ўзбекистон U-19 ёшлар терма жамоасида катта мураббий сифатида ишлаётган Илҳом Мўминжонов Сергей Лушаннинг термадан кетиб “Бунёдкор” бош мураббийи бўлганига ўз муносабатини билдирди.

Хабарингиз бор, сафарда кечган “Сўғдиёна”га қарши баҳсдан сўнг “Бунёдкор” футбол клуби раҳбарияти янги бош мураббий этиб Сергей Лушанни тайинлади. Бунгача Сергей Иванович Ўзбекистон ёшлар терма жамоасида ишлаб келаётганди. Лушан “Бунёдкор”га тўлиқ ўтиб кетганидан сўнг ёшларни вақтинча Илҳом Мўминжонов бошқариб турадиган бўлди.

Айни пайтда Мўминжонов бошқараётган жамоа Арманистонда бўлиб турибди ва 12, 14 июнда Арманистон ёшлар термасига қарши иккита ўртоқлик ўйини ўтказади.

“Сергей Лушан ёшлар терма жамоасини кутилмаганда тарк этди, - дейди футболчилик фаолиятини якунлаб эндиликда мураббийлик қилаётган Мўминжонов. - Тўғрисини айтсам, буни эшитиб ўзим ҳам ҳайрон қолдим. Биз Сергей Иванович билан яхши ишлаб келаётгандик. Бундан буён ёшлар терма жамоасини Дмитрий Ким иккаламиз бошқариб турамиз. Кейинчалик нима бўлишини эса билмайман. Менимча, ҳаммаси Арманистонга бориб келганимиздан сўнг ҳал бўлса керак”.

Ҳавола :

Манба : championat.asia

Янгиликларни Телеграмда ўқинг!

Рейтинг: