Илҳом Мўминжонов: "Футболчиларимнинг ҳаммасига 10 балл қўяман"
09 мар 2018 13:22
Янгиликлар

Илҳом Мўминжонов: "Футболчиларимнинг ҳаммасига 10 балл қўяман"

Кеча Суперлиганинг 2-тур доирасида АГМК - "Навбаҳор" баҳси бўлиб ўтди. Олмалиқ шаҳрида кечган учрашувда меҳмонлар 2:1 ҳисобида ғалаба қозонишди.

Ўйин тугаганидан сўнг анча пайтгача кутдик, аммо ҳеч қайси жамоа бош мураббийининг учрашувдан кейинги фикрлари чиқмади. Натижада "Навбаҳор" бош мураббийи Илҳом Мўминжоновга қўнғироқ қилиб, фикрлари билан қизиқдик.

"Кеча ўйиндан кейин матбуот анжумани ўтказилмади, - дейди Мўминжонов. - Мендан майдоннинг ўзида интервью оламиз дейишди. Аслида-ку буни интервью деб ҳам бўлмайди. Чунки ҳеч ким савол бермади. Икки оғиз ўз фикримни айтдим бўлди. Кеча айтган гапимни яна такрорлашим мумкин: АГМК билан ўйинда футболчиларимнинг ҳаммасига 10 балл қўяман. Яхши ўйин бўлди, жамоамиз сардори Дилшод Жабборов ўн дақиқага майдонга тушиб масалани ҳал қилди. Қўлга киритилган ютуқ билан Наманган аҳлини ва жамоамиз мухлисларини чин дилдан табриклайман".

Ҳавола :

Манба : championat.asia

Янгиликларни Телеграмда ўқинг!

Рейтинг: +32