Илҳом Ҳамроев: "Франция устидан ғалаба қозонишга ҳаракат қиламиз"
30 янв 2022 23:45
Янгиликлар

Илҳом Ҳамроев: "Франция устидан ғалаба қозонишга ҳаракат қиламиз"

Ўзбекистон футзал терма жамоаси аъзоси Илҳом Ҳамроев Черногорияга қарши ўйин ҳақидаги фикрлари билан ўртоқлашди.

Хорватияда ўқув-йиғин машғулотларини олиб бораётган Ўзбекистон футзал терма жамоаси бугун Черногорияга қарши ўртоқлик учрашув ўтказди ҳамда 8:1 ҳисобида ғалаба қозонди. Ўйиндан кейин хет-трикка эришган Илҳом Ҳамроев фикрларига қулоқ тутдик.

"Ўйинни яхши ўтказдик ва мавжуд имкониятлардан фойдаландик. Биз ҳақли ғалабага эришдик. Черногорияда индивидуал томондан кучли футзалчилар бор, лекин жамоа тактик томонлама у қадар кучли эмас.

Ушбу ўйинда гол уриб, жамоамизга фойда келтирганимдан хурсандман. Асосийси — ғалаба қозонганимиз. Ким гол уришидан қатъий назар, ғалаба қозониш учун майдонга тушамиз.

Францияга қарши дастлабки ўйинда ёмон ўйин намойиш этмадик. Оддий хатоларимиз туфайли имкониятни бой бердик. Яратилган вазиятлардан фойдалана олмадик. Навбатдаги ўйинда Франция устидан ғалаба қозонмоқчимиз", - дея фикрларини якунлади Ҳамроев.

Ҳавола :

Манба : championat.asia

Янгиликларни Телеграмда ўқинг!

Рейтинг: +9