UZ

Сўнгги янгиликлар

00:49Шахзод Азмиддинов "Пахтакор" билан хайрлашди  2 00:15Ўзбекистон U-17 терма жамоаси "Чертаново" билан дуранг ўйнади  6 23:57"Реал" Конатени нишонга олди  2 23:28"Пахтакор" бугун Камолиддин Тожиевни бош мураббий этиб тайинлади, аммо унда Про лицензияси йўқ  1 23:14Расман: "Арсенал" Гёкерешни 63,5+10 млн еврога сотиб олди  3 22:58Гёкереш тиббий кўрикдан ўтди ва "Арсенал" билан шартнома имзолади (Фабрицио Романо)  2 22:35Назорат ўйини. "Нефтчи" ФарДУни аяб ўтирмади, Нимели ва Марушичдан дубль  6 22:17Александар Митрович - "Манчестер Юнайтед"нинг янги мақсади  1 21:45Назорат учрашуви. "Пахтакор" ва "Бунёдкор" жамоалари ўртасидаги ўйинда ғолиб номи аниқланмади  8 21:22"Тоттенхэм" Родриго учун курашга киришди  1 20:47"Манчестер Сити" Эдерсонни сотишга тайёр  2 20:20Ўртоқлик ўйини. "Сурхон" "Бухоро"дан устун келди  7 19:58"Ливерпуль" Англия терма жамоаси вингерини нишонга олди  3 19:00Ўртоқлик ўйини. "Милан" Гонконгда "Ливерпул"ни мағлуб этди  4 18:40"Реал" "Арсенал" билан учрашув учун делегация тайёрламоқда  10

Илҳом Алижонов: "Андижон" мухлислари учун ўйнаяпмиз. Муаммолар? Сабр қиламиз" Янгиликлар

Илҳом Алижонов: "Андижон" мухлислари учун ўйнаяпмиз. Муаммолар? Сабр қиламиз"

"Андижон" жамоаси Суперлиганинг 11-турида "Қизилқум"дан устун келди (2:0).

Учрашувда жамоасининг дастлабки голини урган Илҳом Алижонов сайтимизга қисқа интервью берди. 

- "Андижон" жамоаси учун "Қизилқум"га қарши ўйин қандай кечди?

- Оғир ўйин бўлишини кутган эдик, чунки "Қизилқум" охирги учрашувларни муваффақиятсиз ўтказаётганди. Бизга қарши 200 фоиз кучини ишга солиши аниқ эди. Худога шукурки, ишончли ҳисобда ғалаба қозондик. 

- "Андижон" сўнгги учрашувларда ҳужумкор ўйин кўрсатмоқда. Бу футболчиларнинг яхши формага кириб олганиданми ёки мураббийлар штаби тактикани ўзгартирганлигида?

- Тўғри айтдингиз. Ҳозирги футболда энг яхши ҳимоя – бу ҳужум. Кўпроқ ҳужум қилиб вазиятлар яратишга ҳаракат қилмоқдамиз. Мураббий жамоага қараб тактика тузяпти. Баъзида ҳужумкор, баъзида ҳимоявий ўйин кўрсатяпмиз. 

- Мавсум бошида захирада қолаётгандингиз. Бу рақобат билан боғлиқмиди?

- Менинг позициямда рақобатчим легионер эди. Тожикистон терма жамоаси сардори. Унга имконият кўпроқ берилди. Мана энди секин-аста асосий таркибда майдонга тушяпман. Мураббийнинг ишончини оқлаб турсам, давомий бўлади деган умиддаман. 

- Жамоадаги молиявий муаммолар футболчиларнинг кайфиятига таъсир қилмаяптими? 

- Ташкилий ишлар борасида яширишнинг ҳожати йўқ, бироз молиявий муаммолар борлигини биласиз. Бунга аҳамият бермасдан, ўйинга ўзимизни профессионал даражада тайёрлаб тушяпмиз. Бунга сабаб мухлислар. Футбол улар учун ўйналади. Молиявий томонлар ҳам яхши бўлиб қолади. Сабр қиламиз. Ҳар бир учрашувда қўллаб-қувватлаётган мухлисларга раҳмат айтаман.

Абдулазиз Искандаров суҳбатлашди

Рейтинг: +10   

Фикрлар

championat.asia
< сўнгги янгиликларни кўриш
Яндекс.Метрика