Илдар Сакаев: “Биз бугун ютқазмадик...”
09 июн 2015 20:11
Янгиликлар

Илдар Сакаев: “Биз бугун ютқазмадик...”

Ўзбекистон Биринчилигининг 1-босқич, 12-туридан ўрин олган “Чуст-Пахтакор” – “Оқ-тепа” жамоалари ўртасидаги беллашув якунлангач, меҳмонлар устози Илдар Сакаевнинг фикрлари билан қизиқдик.

- Бугун бизга омад кулиб боқмади. Рақиб дарвозаси олдида яратилган вазиятлардан фойдалана олмадик. Қолаверса, майдоннинг ҳолати ва кичик хатоларимиз мағлубиятимизга замин яратди. Аслида бугун биз ютқазмадик, ютқазишимизга ёрдам бериб юборишди.

Жамоа уй ўйинларини текис майдонда ўтказса, бир ҳафта ўтар-ўтмас бундай нотекис майдонда тўп суриш осон эмас. Тўғри, мавсум аввалида ҳам шундай ноқулай майдонларда тўп сурдик, керак бўлса, ғалаба қозондик, аммо ҳар доим ҳам футболчиларни сифатли майдондан, сифатсиз майдонга тайёрлаш осон эмас.

Ҳакамлар ҳақида фикр билдирмоқчи эмасман. Дарвозамизга белгиланган пенальти тўғрисида дискни кўриб чиққанимиздан кейин гапиришим мумкин.

Ҳавола :

Манба : oq-tepa.uz

Янгиликларни Телеграмда ўқинг!

Рейтинг: