"Corriere Dello Sport" хабарига кўра, Конте ҳужумчини ўз режаларига киритмаган ва атиги 10 фоиз ўйинларда майдонга туширмоқчи. "Интер" уни юридик томонлама муаммолар бўлмаслигини истаган ҳолда А Серия ўйинларига рўйхатдан ўтказганди.
26 ёшли ҳужумчининг ўзи клубда қолишга қарор қилганди. Ёзда унинг хизматларига "Ювентус", "Рома", "Наполи" ва "Монако" каби клублардан қизиқишлар бўлганди. Унинг клуб билан шартномаси 2021 йилга қадар давом этади.
