Игорь Шквирин: "Захирамизда ўйинни кучайтириб юборадиган футболчи йўқ"

- Бугунги ўйин натижасидан умуман қониқмадим. Шогирдларимга икки кундан буён рақибнинг жадвалдаги ўрнига қараб бахо бермаслик кераклигини айтиб келаётган эдим. Лекин, шогирдларим бугун характер кўрсата олишмади, бир қанча хатоларга йўл қўйдик. Айрим чизиқлардаги ўйинчилар бугун бўш ўйин намойиш этишди. Айниқса, марказда Шакер Зуаги кўп хато қилди. Ҳимояда йўл қўйилган хато эвазига икки очкодан маҳрум бўлдик.

Зафар Полвонов бу йил умуман ўзини кўрсата олмаяпти, шунинг учун бу ўйинга уни олиб келмасликка қарор қилдим. Иккинчи даврада ҳужумчиларимиз гол ура олишмаётгани учун ҳам яхши натижаларга эриша олмаяпмиз.

Иккинчи даврага тайёргарлик давомида биз етакчи ўйинчиларимизни йўқотдик. Ҳимояда Муллажоновнинг ўрнини босадиган футболчи топилмаяпти, у жамоа етакчиси эди. Захира ўриндиғимизда ўйинни кучайтириб юбора оладиган ўйинчи кўринмаяпти. Селекция ишларимиздан қониқиш ҳосил қилмадим. Мавжуд ўйинчилар билан олдимиздаги вазифани бажаришга ҳаракат қиламиз, - деб айтиб ўтди Игорь Шквирин.


Комилжон Икромов ёзиб олди