UZ

Сўнгги янгиликлар

21:00Ўзбекистон — Ўмон 1:1 (Матнли трансляция)  213 20:57БАА Лига кубоги. "Ал Наср" ва "Ал Батаэҳ" 1/8 финалнинг илк ўйинида ўзаро дуранг ўйнади, Ғаниев ўйинда тўлиқ ҳаракат қилди  2 20:40"Аугсбург" — "Бавария". Таркиблар маълум  0 20:25"Вестерло" — "Антверпен". Таркиблар маълум  0 19:57"Барса" 17 ёшли озарбайжонлик футболчи билан шартнома имзолади  1 19:28"Алавес" — "Атлетико". Таркиблар маълум  0 19:03АПЛ. "Челси" Лондон дербисида ишончли ғалабага эришди  11 18:57"CAFA Nations Cup-2025". Қирғиз Республикаси ва Туркманистон ўзаро дуранг ўйнади  28 18:23"Тоттенхэм" — "Борнмут" ва МЮ — "Бёрнли" ўйинлари учун таркиблар маълум  7 17:52"Ньюкасл" 85+5 млн евро эвазига ҳужумчи харид қилди?!  11 16:53EЧЛ умумий босқичи тақвими: ўйинлар 16 сентябрдан 28 январгача бўлиб ўтади. "Реал" "Атлетико" билан дербидан 2 кун ўтиб, 30 сентябрь куни "Қайрат" меҳмони бўлади  10 15:2240 ёшли Роналду Португалия терма жамоасига чақирилди. Бруно, Феликс, Витинья, Далот ҳам рўйхатда  2 14:48Катта футболга йўл очувчи мусобақа — УЕФА Ёшлар Лигаси: "Қайрат" илк бор ЕЧЛда қатнашади  3 14:41Расман: Нкунку "Челси"дан "Милан"га ўтди  2 14:12"Байер" 30 миллион евролик трансферни амалга оширмоқда  0

Игорь Сергеев: "Тошкентда кўпроқ гол уришимиз керак эди" Янгиликлар

Игорь Сергеев: "Тошкентда кўпроқ гол уришимиз керак эди"

"Пахтакор" ҳужумчиси Игорь Сергеев Элит ОЧЛ нимчорак финали доирасида ўтказилган "Ал Ҳилол"га қарши баҳсдан сўнг сайтимизга кичик интервью берди.

- "Пахтакор" бугун "Ал Ҳилол"га мағлуб бўлди ва мусобақани тарк этди. Бугунги учрашув ҳақидаги фикрларингиз билан бўлишсангиз...

- Аламли тарзда 0:4 ҳисобида мағлуб бўлдик. Ҳозир ҳиссиётларга берилган ҳолда бир нима дейиш нотўғри. Барча хато қилди. Натижадан қониқмадик. Биринчи учрашувда яхши ўйнагандик ва ғалаба қозонгандик. Тошкентда кўпроқ гол уришимиз керак эди, менимча. Бу футбол ва натижадан қатъи назар ҳаёт давом этаверади. Энди ОКМКга қарши кечадиган кейинги баҳсга тайёргарлик кўрамиз.

- "Пахтакор" Элит ОЧЛни тарк этди. Жамоа энди фақат маҳаллий мусобақаларда иштирок этади. "Пахтакор"нинг Суперлига ва Кубок баҳсларида ўз олдига қўйган мақсадлари қандай?

- Биз ҳар бир мусобақада ғолиб бўлишга ҳаракат қиламиз. Воқеалар қандай ривож олишини вақт кўрсатиб беради. Биз ҳар бир учрашувда майдонга чиқиб, ғалаба қозонишимиз керак. Суперлигами ёки Кубок баҳслари, умуман фарқи йўқ. Жамоадошларим ҳам бундан хабардор. Биз "Пахтакор"миз, ушбу жамоа кучли учликка кириш ёки шунга ўхшаш мақсадлар қўймайди. Биз фақат чемпионликни кўзлаймиз. Максимал натижага эришиш учун қўлимиздан келганча ҳаракат қиламиз.

- Бош мураббий Педру Морейра учрашувдан сўнг кийиниш хонасида футболчиларга нима деди? Кийиниш хонасидаги атмосфера қандай эди? Тўғри, "Пахтакор" бугун йирик ҳисобда мағлуб бўлди ва мусобақани тарк этди, аммо умумий иштирок кутилганидан яхшироқ бўлди...

- Барча хафа эди, 0:4 ҳисобидаги йирик мағлубият. Бош мураббийимиз майдонда нима бўлганини кўрди ва ҳолатни тушуниб турибди. Бош мураббиймиз нутқ сўзламади. Ҳозир фикр билдириш қийин. Мураббийларимиз бир неча кундан кейин ўйинни таҳлил қилиб чиқишади ва қаерда хатоларга йўл қўйганимизни билиб оламиз.


Абдулвосит Бектемиров суҳбатлашди 



Рейтинг:    

Фикрлар

championat.asia
< сўнгги янгиликларни кўриш
Яндекс.Метрика