Игорь Ремнёв: "Тезкор гол ўйинимизга салбий таъсир қилди"

— Очиғи, бугун ўйинда тезкор гол ўтказиб юборишимизни кутмагандик, — деди динамочилар мураббийи. — Бутун учрашув давомида ҳар икки жамоа аъзолари ҳам очиқ футбол гувоҳи бўлдилар. Ўз майдонимиздаги мағлубиятдан сўнг, жамоамизни ғалабага руҳлантиргандик. Бироқ тезкор гол ўйинчиларимизга салбий таъсир қилди.

Стадион ҳар томонлама замонавий ва чиройли барпо этилган. Бундай стадионларнинг кўпайиши фақат футболимиз тараққиётига хизмат қилади, деб биламан. Тўғри, бугун майдоннинг сифати у қадар мақтайдиган даражада эмас эди. Шунга қарамай, ҳар икки жамоа ҳам шиддатли ўйин намойиш этишга интилди.

Мезбонлар таркибида Руслан Вагапов ҳужумларни ташкил этишдаги фаоллиги билан ажралиб турганлигини таъкидлашни истардим.

Бизни қўллаб-қувватлаш учун узоқ йўл босиб келган юзлаб мухлисларимизга миннатдорчилик билдираман. Кейинги ўйинларда уларни ўз ғалабаларимиз билан қувонтиришга ҳаракат қиламиз, албатта.