Игнашевич “Зенит” ёки ЦСКА мураббийлар штабида иш бошлаши мумкин
09 июл 2018 23:14
Янгиликлар

Игнашевич “Зенит” ёки ЦСКА мураббийлар штабида иш бошлаши мумкин

Сергей Игнашевич шу йилнинг ўзидаёқ мураббийлик фаолиятини бошлаши мумкин, деб хабар бермоқда “Спорт-Экспресс” нашри.

Россиялик тажрибали футболчи ЖЧ-2018 чорак финалидан ўрин олган Хорватияга қарши учрашувдан сўнг терма жамоадаги фаолиятини якунлаганини маълум қилганди.

Маълумотда келтирилишича, Игнашевич “Зенит” устози Сергей Семакка ёрдамчи сифатида мураббийлик фаолиятини бошлаши мумкин. Ҳозирда 38 ёшли терма жамоа рекордчиси мураббийлик курсида таҳсил оляпти. Игнашевичнинг Виктор Гончаренкога ёрдамчи сифатида ЦСКАда ишлаши мумкинлиги ҳам айтилмоқда.