UZ

Сўнгги янгиликлар

02:00Қизиқарли ҳолат: ПСЖдан 19 метр узоқдаги жамоа Лига 1'га чиқди  2 01:54АПЛ. Де Брюйненинг ягона голи "Манчестер Сити"га ғалаба келтирди  36 01:21"Ливерпуль" Трентни "Реал"га қўйиб юборишга тайёр, фақат бир қанча шартлар билан  1 00:41Саудия Арабистони. "Ал Файҳа" асосий рақобатчисини мағлуб қилди ва "учиб кетиш ҳудуди"дан узоқлашди  0 00:15Лаутаро Мартинесда ҳали имкон бор  0 23:43Илёс Зейтуллаев: "Ютганимизда бугун қаҳрамон бўлар эдик"  5 23:22Клублар ўртасидаги ЖЧ вақтида "Реал"ни бошқа мураббий бошқариши мумкин  0 22:54Баҳром Ҳайдаров: "Ютқазаётган вақтимизда ҳам режамиздан чекинмадик ва ҳақли ғалабага эришдик"  2 22:28Суперлига. "Қўқон-1912" сўнгги сонияларда урилган гол эвазига "Бунёдкор" майдонида зафар қучди  33 21:59Ҳаким Фузайлов: "Амалдаги чемпиондан бир очко олдик, бундан хурсандмиз"  4 21:31Рўзиқул Бердиев: "Очко йўқотишга ҳақли эдик"  19 21:16"Ливерпуль"нинг собиқ футболчиси фаолиятини якунлади  0 20:48Микель Артета: "Ливерпуль" чемпионликка ҳақли эди"  0 20:15Суперлига. Пешқадам "Насаф" "Хоразм"ни юта олмади  56 19:59Аббосбек Файзуллаев: "Ҳусанов мени "Сити"га таклиф қилмади"  18

“Ифтихор” — “Пахтакор” ўйини 28 май куни Тошкентда бўлиб ўтади Янгиликлар

“Ифтихор” — “Пахтакор” ўйини 28 май куни Тошкентда бўлиб ўтади

Ўзбекистон Кубогининг 1/8 финалидан жой олган “Ифтихор” - “Пахтакор” ўйини Тошкентда бўлиб ўтади.

Ҳар икки жамоа вакиллари бу борада ўзаро келишиб олди ҳамда шу ҳақда ПФЛга хат билан чиқди. Яъни, ташкилот бу келишувда иштирок этмади.

Ўз олдига юқори мақсадлар қўяётган “Ифтихор” клуби Олтиариқдаги стадион реконструкцияси билан машғул. Режага кўра, мазкур стадиондаги илк учрашув “Пахтакор”га қарши бўлиб ўтиши керак эди. Стадиондаги ишларни кўздан кечириш мақсадида ПФЛ комиссияси 22 май куни “Ифтихор” стадионида бўлди ва таъмирлаш ишлари якунига етиб улгурмагани ҳақида хулоса берди.

Маълумки, янги стадионни ПФЛ комиссиясидан ташқари хавфсизлик масалалари бўйича ИИБ комиссияси ҳамда футбол учрашувлари трансляцияси билан шуғулланувчи ташкилот ҳам қабул қилиб олиши керак. Зеро, 2018 йилги мавсумдан бошлаб, республикадаги ҳар бир стадиондан оптик толали кабелларнинг ўтган бўлиши муҳим масаладир. Кубок ўйини ўтиши керак бўлган 29 май санасига қадар бу ишларни якунлаш сўроқ остида турганди.

Шундан келиб чиқиб, ПФЛ “Ифтихор” клубига Фарғонадаги “Истиқлол” стадионида учрашув ўтказишни таклиф қилди. Ўз навбатида “Пахтакор” футбол клуби ҳам “Ифтихор”га мезбонлик таклифи билан чиқди. Томонларнинг ўзаро музокарасидан кейин “Ифтихор” Тошкентга келишга қарор қилди ва бу борада ПФЛни расман хабардор қилди.

Чорак финал йўлида Тошкентнинг “Бунёдкор” ва “Локомотив” клублари ҳам уй учрашувларида иштирок этади. Бир кунда битта шаҳарда иккита футбол учрашуви ўтказиш мумкин эмас. Шу боисдан ўйин 28 май санасида ўтади. Суперлиганинг 14-тури бошқа муддатга кўчирилгани ҳамда “Ифтихор”нинг 24 май куни ўтиши керак бўлган Про-Лиганинг 11-турида дам олиши инобатга олинса, бу ҳолат ҳар икки томонга ҳам ҳалал бермайди.  

 Ўзбекистон Кубоги
1/8 финал
28 май (душанба)

19:01  “Ифтихор” — “Пахтакор”

29 май (сешанба)

17:00  “Орол” - “Андижон”
19:02  “Бунёдкор” - “Сўғдиёна” (live)
19:22 “Машъал” - “Сурхон”

30 май, чоршанба
17:00  “Динамо” — “Қизилқум” (live)
18:57  “Қўқон-1912” — “Нефтчи”
19:03  АГМК — “Насаф” (live)
19:03  “Локомотив” — “Шердор”

Маълумот учун, “Спорт” телеканали Ўзбекистон Кубогининг бу босқичдаги 4 та ўйинини жонли кўрсатишни режалаштирганди. Шулардан бири 28 майга кўчирилди. Сир эмаски, телеканал ўз дастурларини икки ҳафта илгари режага киритади. Эндиликда ПФЛ ҳамда “Спорт” Тошкентга кўчирилган учрашув трансляцияси масаласида “Спорт” билан музокара ўтказади.

Ҳозиргача Суперлига учрашувларини тўлиқ кўрсатиб келаётган телеканал раҳбарияти мазкур ўзгаришни тўғри тушуниб, бу борада иш олиб боришидан умидвормиз. Шунингдек, юзага келаётган ўзгаришлар учун футбол мухлисларидан узр сўраймиз.

Рейтинг: -3   

Фикрлар

championat.asia
< сўнгги янгиликларни кўриш
Яндекс.Метрика