UZ

Сўнгги янгиликлар

10:30“Барселона“ Ямал ва Рафинья учун 7 та футболчидан воз кечишга тайёр  4 10:21Сергей Лебедев: “Маҳоратли футболчилар мезбонлар ғалабасига муносиб ҳисса қўшишди”  0 09:53“Рома“ ҳужумчисига Туркия грандлари қизиқиш билдирмоқда  0 09:19“Реал Мадрид“ 60 миллион евролик трансфер бўйича келишувга эришди (Фабрицио Романо)  7 08:49Сергей Лушан: “Беш баллик тизимда менимча, жамоа ўйинини 3 баллга лойиқ кўрса бўлади”  1 08:20Мавсум якунида Ла Лигадан тушиб кетадиган яна бир жамоа номи маълум  2 07:51Аббосбек Файзуллаев кечаги ғалабадан сўнг ўз фикрини билдириб ўтди  2 07:24Дахшат. “Аякс“ чемпионликни ПСВга “совға“ қилмоқда  6 02:36"Милан" Италия кубоги финалида "Болонья"га имкониятни бой берди!  3 02:25Ла Лига. "Реал Мадрид" сўнгги дақиқада гол уриб, "Мальорка"ни мағлубиятга учратди. "Барселона" чемпионликни ўзи ҳал қилишига тўғри келади  48 00:55“Иштихон” бош мураббийи Миржалол Лоқаев: "Йигитларимиз уч ойдан бери маошсиз ўйнашмоқда. Вазият ўзгаришини кутяпмиз"  2 00:41Элдор Мойлиев: "Учрашувнинг 17:00га қўйилгани икки жамоага ҳам ноқулай бўлди"  2 00:31Виталий Левченко: "Ҳамма футболчимизда ОКМКга қарши майдонга тушиш имконияти мавжуд"  1 00:20Сервер Жепаров: "Нефтчи" каби рақибларга қарши камчиликлар яққол кўринади"  0 00:00ЦСКА "Зенит"га қарши пенальтилар сериясида ғалаба қозониб, Россия кубоги суперфиналига йўл олди! Файзуллаев захирадан майдонга тушди  15

Ички ҳиссиёт. "Насаф" бугун Қаршида очко йўқотади(ми)? Янгиликлар

Ички ҳиссиёт. "Насаф" бугун Қаршида очко йўқотади(ми)?

Теглар :  БунёдкорНасаф
Бугун Суперлиганинг 9-туридан ўрин олган марказий қарама-қаршилик бўлиб ўтади.

Қаршида "Насаф" жамоаси "Бунёдкор"ни қабул қилади. Бу икки жамоа тўқнашуви ҳар бир даврда ўз принципиаллигини йўқотмаган, айниқса охирги йилларда улар иштирокидаги ўйинлар ўта муросасиз, тенг курашлар остида кечмоқда. Бу йил ҳали мағлубиятга учрамаган "Насаф" ва кутилганидан яхши натижалар қайд этаётган "Бунёдкор", мусобақа жадвалидаги тафовутнинг кичиклиги ўйинга бўлган қизиқишни янада ошириши турган гап. 


1. Бошдан баланд учган "қалдирғочлар"

Илёс Зейтуллаев бу йил ниҳоят ўзи истаган жамоани шакллантира оляпти. Унинг жамоаси жорий мавсумда 8 та ўйинда 4 ғалаба, 3 дуранг, 1 мағлубият қайд этган. Суперлигада энг кам гол ўтказган учинчи жамоа бўлиб турибди. Охирги 3 йилда пастки ўринларда юрган жамоа учун кучли учликда ҳаттоки бешталикда бўлиш ҳам яхши натижа ҳисобланади. Аммо жамоа ўзининг натижалари, шаклланган ўйини билан футбол оммасини юқорида юришга ўргатиб бормоқда. 

Боз устига кеча "Динамо"нинг ғалабаси ва онлайн жадвалда кўтарилиб олгани "Бунёдкор"ни ўйинга янада сергак торттириши аниқ. Иккинчи омил, "Қўқон-1912"дан учраган тасодифий мағлубиятдан сўнг рақиб "Насаф" эканлиги руҳан яхшироқ ҳозирлик кўришга чақиради. Жамоа бу мавсум фақат бир бор сафарга чиқди, Қаршида "Шўртан"дан устун келди, холос. "Насаф"га қарши ўйин иккинчи меҳмон ўйини ҳисобланади. У ҳам бўлса Қаршида. 

2. "Насаф" ҳақида икки оғиз 

Рўзиқул Бердиев жамоаси одатдагидек мавсумни ўтказмоқда дея оламиз. Жамоа барқарор йўлда, кетма-кет очколарни қўлга киритиб келяпти, мағлубиятсиз серия давом этмоқда. Футболчилар биринчи даврани юқори темпда якунлаб қўйишади ва ҳақиқий босим иккинчи даврада юзага келади. Бунда "Насаф" иштирок этаётган мусобақалар қаторига энди Элит ОЧЛ қўшилади. Табиийки юклама икки ҳисса ортади. Тақвим янада зич кўриниш олиши эҳтимоли бор. Мана шу паллада жисмоний ҳолат, футболчиларнинг функционал тайёргарлиги, таркибдаги ротациялар қандай эканлигига баҳо бериш имкони пайдо бўлади дея оламан. "Аждарлар"нинг Суперлигадаги ишлари жойида. 

3. "Бунёдкор" Қаршида қандай ўйнашни билади

Юқорида айтганимдек жамоаларнинг охирги йиллардаги ўйинларида тенглик кузатиляпти. Қизиғи шуки, "Бунёдкор" ўзининг энг ёмон ҳолатида ҳам айнан "Насаф"га қарши ўйинларда куч топа олади. Жамоа охирги маротаба рақибига 2022 йилги мавсумнинг биринчи даврасида мағлуб бўлган. Кейинги 5 та учрашувнинг 4 тасида дуранг, 1 тасида "Бунёдкор" ғалаба қозонган. Қаршида сўнгги бор 4 йил олдин 2021 йил Шуҳрат Мақсудов бошчилигида енгилган (0:5). Дейлик, "Бунёдкор" "Қўқон-1912" га бир маротаба омадсизлик туфайли ютқазиб қўйди, унда руҳан тиклана олмаслик сабаби асосий планда эди. Лекин "Насаф", "Пахтакор", ОКМК билан учрашувлар умуман бошқача руҳ ва темпда ўтади. 

Охирги 5 та ўйин

25.10.2022. "Насаф" - "Бунёдкор" 1:1

17.04.2023. "Бунёдкор" - "Насаф" 1:1

24.09.2023. "Насаф" - "Бунёдкор" 0:1

13.05.2024. "Насаф" - "Бунёдкор" 0:0

28.09.2024. "Бунёдкор" - "Насаф" 2:2

4. Ҳакамлар

Бугунги учрашув бош ҳаками Олим Тўйчибоев бу йил Суперлигада "Бунёдкор" иштирокидаги 1 та ўйинда ишлади, унда "Сурхон" 3:1 ҳисобида мағлуб этилди. Ушбу ҳакам 2024 йил Тошкентда ўтган "Бунёдкор" - "Насаф" баҳсида ҳам фаолият юритган (2:2). Икки жамоа бу рефери ишлаган учрашувларда мағлубиятга учрамаган. 

5. Тахмин

Афтидан кичик устунлик "аждарлар" томонидадир ҳар ҳолда мезбон. Лекин юқоридаги факторлар, жамоаларнинг имкониятлари бугун майдон эгаларининг очко йўқотишига ва дурангга ишора қилмоқда. "Бунёдкор" агар техник хатолар кузатилмаса тартибли ҳимояни ушлаб қолади ва олдинда кўп вазият яратишга ҳаддан ташқари кўп куч сарфламайди. Яна бир нарса, бугун Илёс Зейтуллаев ўтган тур хато қилган дарвозабон Ҳамидулло Абдунабиевга бугун муҳим баҳсда ишонч билдирадими ёки йўқ? Агарда дарвозабонга имконият берса шахсан менда Зейтуллаевга нисбатан ҳурмат икки ҳисса ошади, чунки хато қилган дарвозабонни алмаштирмай яна ўзини кўрсатишига қўйиб бериш ақлли мураббийнинг иши ҳисобланади. Агарда бошқа қарорга келса, захирада бемалол ротация қила оладиган Абдумавлон Абдужалилов бор. Нима бўлганда ҳам мураббийнинг қарори. Мен учун эса шунчаки қандай юриш қилиши қизиқ.

"Насаф" ўз услубини сақлаб қолади ва олдинги чизиқда вазиятларни рақибга қараганда кўпроқ содир этади. Бердиевга ҳужумни якунлайдиган ижрочилар борлиги, уларнинг маҳорати қўл келиши мумкин. 

Муаллиф : Iskandarov Abdulaziz
Рейтинг: -4   

Фикрлар

+3   
10 май 11:29:43
Sayfuddinovich86
Ички хиссиёт. Насаф бугун хохлаганча гол уриб, ракиб хурматига 6-голни урмайди
+3   
10 май 11:23:52
Grand Grand
Нефтгаз нима дсса уша булади бизда майдонга чикиб футбол уйнолмайди столда кабинетда хал килинади Хамробековни хам Насафдан олиб куйди уша Нефтгазни бошликлари
+3   
10 май 11:23:17
Абдугаффор . N
Йирик хисобда ютса керак Насаф ( ички хиссиёт)
+2   
10 май 11:56:50
dessi anvar
муаллиф: искандаров абдулазиз ёлғон гапирди (ми?)
+2   
10 май 11:28:25
A.S.А
"Бунёдкор Қаршида қандай ўйнашни билади" деган хулоса бир оз мунозарали масала... Аммо, иккала жамоанинг асосий хомийси битта эканлиги ва аввалги баҳсларда бу омил натижаларга таъсир этганлиги факт бўлса керак! Аслида, Бунёдкор Нефтчи, Бухоро, Машъал, Шуртан ва албатта Насафни нонига шерик бўлган жамоа бўлса керак. Стадионидан бошқаси... Умуман олганда Насаф анча кучли жамоа бўлса керак!!!
+1   
10 май 23:04:14
Bu shunchaki o'yin
Yuqotdi. Ichki hissiyotda "uzun-quloq" gaplar bor shekilli
+1   
10 май 22:14:50
Google User
Ички хиссиёти алдамабди
+1   
10 май 16:52:36
Фарход
Курувчи чемпион олга, Самарканд лик мухлис
+1   
10 май 14:16:30
Fast TV
Shahsan Nasaf Bunyodkor uchrashuvini futbolistlar, murabbiylar yoki UFA hal qilmaydi, sponsorlar hal qilishadi. Uyin durang boʼladi.
+1   
10 май 13:22:50
db_076
Насафни очко йукотиши кундек равшанку, шуниям билмайсанларми, ахир бу "Темир дафтар" га ёзилган булса!!!
+1   
10 май 11:41:10
Шухрат Эргашев
Насаф учун Бунёдкор "нокулай" клублардан деб биламан. Агар Бердиев таркиб танлашда ва алмаштиришда хатога йул куймаса, йигитларга "керакли сузларни" айта олса, мухлислар куллаб кувватлаши жойида булса, (билет хам 10 000 сум экан) албатта Насаф ютади. Олга Насаф. Кискаси Насафга ухшаши йук, хар томонлама...
+1   
10 май 11:38:28
oltin top
Хомий битта деган гап тугрию но супер лигадаги 70% кулибларга УЗнефтгаз хомийлик килишиям бор гап
+1   
10 май 11:34:36
oltin top
Бунк Насаф учун нокулай и Зейтулаев хозирги пайтда Бердиевдан акллирокдек куриняпти,бугин уйин кандай натижа билан тугашини аник айтолмайману лекин Насафчиларга бугин осон булмайди
   
10 май 17:42:57
Жахонгир-9
Уйинга соқолли эчки аралашади.( 3 таси-Уйинчилар ичидан атайлаб йикитиш жаримаси;Судялар аралашади натижага;юкоридан телфон кунгироғи келиши)
   
10 май 17:39:02
Жахонгир-9
Манимча дуранг уйнашга харакат килишади.
championat.asia
< сўнгги янгиликларни кўриш
Яндекс.Метрика