Ибрагимович ёзда фаолиятини якунлаши мумкин

38 ёшли швециялик ҳужумчи катта эҳтимол билан бутсиларини михга осади, дея ҳисобламоқда La Gazzetta dello Sport.

Футболчи А серияга қайтгач, “Милан” сафида 8 та учрашувда майдонга тушиб, 3 та гол урди ва 1 та голли узатмани амалга оширди. “Милан” 26 очко билан А серия турнир жадвалида 7-поғонада бормоқда.

Илгарироқ “Милан” раҳбарияти футболчи билан шартномани 2021 йилга қадар узайтириши мумкинлиги ҳақида хабарлар тарқатилганди. Футболчининг ўзи эса “Милан” таркиби янада кучайтирилиши тарафдори.

Ибрагимович фаолияти давомида “Аякс”, “Ювентус”, “Интер”, “Барселона”, “Манчестер Юнайтед” сингари клубларда тўп тепган.