Ибрагимович: "Швецияда катта масъулият йўқ, чунки мен жамоада эмасман"

"Жаҳон чемпионатида ўйнаш учун ҳамма нарса қилган бўлардим, бироқ бу турнирда энг яхшилар йиғилганига ишонаман. Бир неча йил аввал мундиалда иштирок этганман ва бу футболчининг фаолиятида содир бўладиган энг яхши воқеалигини биламан.

Швеция терма жамоасидаги ким биландир келишмовчилик? Футболчилар билан эмаслиги аниқ, Швеция футбол федерациясидагилар билан. Чунки улар ким мураббий бўлишини аниқлашади. Миллий жамоага нима дейман? Шунчаки ўйиндан роҳатланинг, сиқилманг. У ерда эмасман!

Швеция терма жамоасида ҳозир катта масъулият йўқ деб ўйлайман - чунки мен Россияга бормадим. Терма жамоада бўлсам, ҳар бир ўйинда ғалаба қозонишимиз керак! Шунчаки бу қонимда бор - ҳаммасини ютишни истайман. Айнан шу учун шуғулланаман. Масалан, Германияни нега машина дейишади? Улар доимо яхши ўйнашади, таркибда фантастик футболчилар тўлиб ётибди. Терма жамоада юлдузлар бўлиши керак - айнан шу жамоани кучайтиради. Шу жиҳат туфайли Германияни етакчи деб ҳисоблашади, бу жамоанинг даражаси ҳеч кимни ҳайрон қолдирмайди" - дейди Ибрагимович.