Ибрагимович: "Аҳмоқлар Швеция футболини ерга уришяпти"
06 сен 2020 17:11
Янгиликлар

Ибрагимович: "Аҳмоқлар Швеция футболини ерга уришяпти"

"Милан" ҳужумчиси Златан Ибрагимович Швеция термасининг мағлубиятидан кейинги фикрларини билдирди.

Францияга қарши баҳсда шведлар ҳужумчиси Деян Кулушевски асосий таркибдан ўрин олмади ва захирадан тушиб, атиги 20 дақиқа ўйнади. Бу эса Златанга ёқмади.

"Аҳмоқлар. Бу ҳам юқоридагилар футболнинг одами эмаслигининг бир исботи. Улар швед футболини ерга уришяпти", - деб ёзади Ибрагимович.

Кулушевски "Парма" таркибида ўтган мавсумда 39 ўйинда қатнашди ва 10 гол ҳамда 9 ассист қайд этди.

Кеча Швеция термаси Миллатлар лигасининг 1-турида Францияга 0:1 ҳисобида мағлуб бўлди.

Ҳавола :

Манба : Goal

Янгиликларни Телеграмда ўқинг!

Рейтинг: +15