Ҳумоюн Муртазоев: "Янги мавсумда ҳаммаси бошқача бўлади"

Бошланажак мавсумда мухлисларимиз учун яхшигина совға тайёрлашга ҳаракат қилмоқдамиз. Жамоа футболчиси Ҳумоюн Муртазоев бу ҳақида ўз фикрларини билдирди.

-Бу йилги чемпионат баҳсларида «Машъал»нинг олдига қандай вазифалар қўйилмоқда?

-Жамоамиз олдига албатта юқори ўринлар эгаллаш ва камида ОЧЛ баҳсларида иштирок этиш ҳуқуқини берувчи, йўлланмалардан бирини қўлга киритиш вазифаси қўйилган. Ҳамжиҳатликда жамоамиз билан ҳаракат қилсак буни уддалаймиз.

-Янги мавсумда ўз олдингизга қандай мақсад қўйдингиз?

-Яширмайман, бу йилги мавсумда камида тўпурар бўлишни ният қилдим. Худо хохласа бу мақсадимга албатта эришаман. Юир сўз билан айтсам, янги мавсумда ҳаммаси бошқача бўлади албатта.

-Ўтган йилги чемпионатда ўз майдонимиздаги баҳсларга кўплаб мухлислар ташриф буюришмади. Нима деб ўйлайсиз, бу йил мухлислар ташрифи ортармикан?

-Биласизми, агар ўз майдонингиздаги баҳсларда стадион тўлиб мухлислар жамоангизни қўллаб-қувватлаб турса бутун жамоа ўйин мобайнида фақат ғалабани ўйлайди. Аммо сўнги йилларда марказий ўйингоҳимизга мухлисларимиз ташрифи анча камайиб қолди. Ишонаманки, яқинлашаётган олий лига баҳсларида бу йил аввалгига қараганда кўпроқ мухлис ташриф буюради.

-Олий Лигамизнинг бошқа жамоаларидан сизга таклиф бўлдими?

-Ҳа албатта, таклифлар бор эди. Аммо таклиф қилган жамоаларнинг имкониятлари «Машъал» никидан ортиқ жойи йўқ. Шундай экан, бундай вазиятда жамоани алмаштиришни ҳожати йўқ. Қолаверса уйимни ташлаб кетгим келмади. «Машъал» менинг уйим.

Бунёд Андаев суҳбатлашди.