Ҳожимат Эркинов: "Суперлигадаги энг қийин рақиб — "Насаф"
02 апр 2022 06:31
Янгиликлар
Ҳожимат Эркинов: "Суперлигадаги энг қийин рақиб — "Насаф"
Беллашув ниҳоясига етганидан кейин "шерлар" ярим ҳимоячиси Ҳожимат Эркиновнинг фикрларига қулоқ тутдик.

- Ўйин яхши бўлди. "Навбаҳор"дан ҳар жабҳада устун эдик. Шу туфайли якунда ғалаба қозондик.
- Ўйиннинг асосий вақти тенгкурашлар остида ўтгандек туюлди. Агар гол урилмаса, дуранг сиз учун қониқарсиз натижа бўлармиди?
- Марказий ўйинларда фақат сафарда ўйнаётган томонни 1 очко қониқтириши мумкин. Биз бугун фақат 3 очко учун майдонга чиққандик. Бу бевосита ўйинда ҳам кўринди.
- "Пахтакор" вингерлари доимий тарзда қанотларни алмаштириб ўйнашади. Ҳожимат Эркиновга кўпроқ қайси қанот қулайроқ?
- Тўғрисини айтсам, катта футболга ўтаётганимда ўзимни чапда қулайроқ ҳис қилардим. Бироқ, "Пахтакор"да ўнг томонга тушириш баробарида қандай ҳаракатлансам, фойдалироқ бўла олишимни уқтиришди. Ҳозир иккала томонда бир хил эркинман.
- Бугун чемпионликка даъво қилаётган 2 клуб ўзаро тўқнашди. "Шерлар" олтин медаллар учун курашда асосий хавфни қайси жамоадан кутяпти?
- Ҳозирча барча клублар билан тўқнашмадик. Шунга ҳамманинг кучига тўғри баҳо беролмаймиз. Лекин, ортда қолган ўйинлардан хулоса қилсак, энг кучли рақиб "Насаф" эди.
- "Навбаҳор"дан ҳам кучлироқми?
- Ҳа, мавсумдаги биринчи расмий ўйинлиги учун бўлса керак, Суперкубок баҳси қийинроқ ўтганди.
- "Пахтакор" 4 апрель куни ОЧЛда иштирок этиш учун Саудия Арабистонига жўнаб кетади. Гуруҳдаги рақиблар ҳақида қандай фикрдасиз?
- Рости, ҳали рақибларни жамоа билан таҳлил қилмадик. Бугунгача асосий эътиборимиз "Навбаҳор"га қаратилган эди. Мана, энди ОЧЛ ҳақида ўйлашни бошласак бўлади.
Ўхшаш янгиликлар
championat.asia
Ла Лига. "Реал" "оловли" ўйинда Мбаппе ва Беллингемнинг голи эвазига "Барселона"ни мағлуб этди
Месси Роналдунинг рекордини такрорлади, бироқ...
Суперлига. Чемпионлик учун курашаётган "Насаф" марказий тўқнашувда ОКМК билан дуранг ўйнади
Суперлига. "Нефтчи" Ғузорда ишончли ғалабага эришди
Фикрлар