Ҳислат Умаров: "Нефтгазмонтаж" чемпионлик учун охиригача курашади"
07 сен 2021 18:40
Янгиликлар

Ҳислат Умаров: "Нефтгазмонтаж" чемпионлик учун охиригача курашади"

Биринчи лига иштирокчиси "Нефтгазмонтаж" клуби дарвозабони Ҳислат Умаров ортда қолган учрашув ва чемпионлик йўлидаги кураш ҳақида фикр билдирди.

"Чиғатой"га қарши учрашув осон бўлмаслиги аниқ эди. Хабарингиз бор, ушбу жамоа билан сўнгги икки ўйинда мағлубиятга учраган эдик. Буни бутун жамоа аъзолари ва мураббийлар штаби ҳис қилган ҳолда тайёргарлик кўрдик. Худога шукур муҳим уч очкога эга чиқдик.
Ўйлашимча, руҳий ўрадан чиқиб олдик. Кетма-кет мағлубиятлар тушкунликка тушириб қўйиши аниқ. Тўғри хулоса чиқариб тайёргарлик кўрдик. Кўриб турганингиздек, натижа яхши бўлмоқда.
Турнир жадвалида кураш қизғин кетяпти. Барча 4та жамоада чемпионлик учун имконият бор. Биз ҳам охиригача курашамиз. Натижа аллоҳдан",- дейди Ҳислат Умаров.

Ҳавола :

Манба : "Нефтгазмонтаж" матбуот хизмати

Янгиликларни Телеграмда ўқинг!

Рейтинг: