Ҳамиджон Актамов: "Ўйиндаги пенальти учун айбдор эмасмизку?"

"Ўйин ҳақида нима дейман? Бугун оғир учрашув бўлишини билардим ва кутганимдан-да, қийин ўтди. Олий лигада кучсиз жамоа йўқ. “Обод” ҳам яхши шаклланган клуб. Бугун очко йўқотишимизга кутилмаган ўзгаришларимиз сабаб бўлди. Жумладан, Юсупов кутилмаган жароҳат олди ва режамиз ўзгариб кетди.

Ўйиндаги пенальти учун айбдор эмасмизку? Ҳамма шу саволни беряпти. Тўп футболчининг қўлига текканидан кейин пенальти белгиланади-да! Ҳеч қаерда пенальтидан гол уриш мумкин эмас, деб ёзиб қўйилмаган-ку?! Майдонда футболчилар ўйнаяпти. Биз рақибни ҳурмат қилиш кераклигини тушунтирдик. Лекин уларнинг фикри нима эканлигини билмаймиз. Балки ўйиндан аввал ютиб қўйишган бўлса керак?", - дея ўз фикрларини якунлади Актамов.