Ҳамиджон Актамов: "Медаллар учун курашишга бел боғлаганмиз"

Навоийнинг "Қизилқум" жамоаси бу турда "Қўқон-1912" майдонида меҳмон бўлди ва нурсиз дуранг қайд этди.

Ушбу учрашувдан сўнг навоийликлар устози Ҳамид Актамов фикрларини билдириб ўтди.

"Аввало яқинлашаётган наврўз байрами ва мавсумнинг очилиш маросими билан табриклайман. Бугун майдонда ҳақиқий жангавор ўйин бўлди. Икки жамоа ҳам ғалаба учун курашди. Вазиятлар яратдик, лекин фойдалана олмадик. Умуман олганда дуранг ҳам ёмон натижа эмас. "Қўқон-1912"га кейинги ўйинларда омад тилайман.

Мавсум энди бошланди. Ўйиндан-ўйинга кучайиб борамиз. Дастлабки 4-5та турда барча бир хил ҳолатда бўлади. Жамоага таклиф қилинган бир нечта янги футболчиларга ҳам вақт керак".

- Жамоа олдига қандай мақсад ва вазифалар қўйилган?
- Мақсадимиз ҳеч қачон ютқазмаслик. Медаллар учун курашишга бел боғлаганмиз.