Ҳамиджон Актамов: "Ҳакамлар ҳам инсон, улар ҳам адашади"

"Аввало мухлисларимизни ғалаба билан табриклайман. Керакли ва муҳим ғалабани қўлга киритдик. Бугун ҳақиқатдан ҳам яхши ўйин кўрсатдик ва зарур натижани қўлга киритдик.
Бугун ҳамма яхши ўйнади. Алоҳида бирор футболчини кўрсата олмайман. Миржалол Қосимов қатори майдонга тушган ҳамма борини берди.

Барибир ҳамма билан ўйнаймиз. Кейинги босқичда ким билан тўқнаш келишимизни қуръа натижаларидан сўнг билиб оламиз. Уйда ёки сафарда ўйнашимизни фарқи йўқ. Ўзбекистондан чиқиб кетмаймиз.

Кубокда ҳам мақсадимиз бор. Суперлигани юқорироқда якунлашимиз мумкин эди. Иккинчи даврада жамоамизда ўзгаришлар бўлгани сабабли вақт етмай қолди. Очколар йўқотдик, пандемия ҳам таъсир қилди. Футболчилар ўйинларга тайёрлана олишмади. Эндиликда ҳаммаси яхши бўлади деган умиддаман. Охиригача курашамиз.

Ҳакамлар ҳам инсон, улар ҳам адашади. Мен баҳо бера олмайман. Бир нечта ўйинларимиздан келиб чиққан ҳолда фикримни айтганман",- дейди Ҳамид Актамов.