Ҳаким Фузайлов: "Ўйинимиз менга ёқди, аммо натижа ёқмади"
26 сен 11:16
Янгиликлар
Ҳаким Фузайлов: "Ўйинимиз менга ёқди, аммо натижа ёқмади"
"Ўйин кескин ўтди. Ўйлашимча биз ўйинда устунликка эришдик. Ўйинимиз менга ёқди, аммо натижа ёқмади. Ваҳимали ҳеч нарса бўлмади, ўз олдимизга қўйилган вазифа - Суперлигага чиқиш учун курашишда давом этамиз", - деди Ҳаким Фузайлов.
- 77-рақамдаги футболчи жуда фаол ўйнаётганди, аммо уни алмаштирдингиз...
- Файзулло Жуманқўзиевни рақиблар кўп бор йиқитишди, шифокорлар унга неча бор ёрдам беришди. Тўғри у фаол бўлди, голли пас берди. Ўйин анчагина кескин ва тўқнашувларга бой бўлди. Ҳали олдинда ўйинлар кўплиги учун уни асрашга қарор қилдим.
- Бугун легионер ҳужумчи Сонг Лонгжи майдонга тушмади...
- Бугун ҳужумчи Рўзимбой Аҳмедов анча фаол ўйнади ва гол урди. Ҳужумда ҳавода ҳам, ерда ҳам курашларда ғолиб чиқди. Ярим ҳимоячиларга катта юклама тушди. Шу боис Сонг Лонгжини майдонга туширмадим.
- Сўнгги дақиқаларда ҳакам билан тортишиб, сариқ карточка олдингиз. Ўша вазиятда пенальти бор эди деб ҳисоблайсизми?
- Мен вазиятга яқин тургандим, ҳакам эса мендан ҳам яқинроқ эди. Тўп нотабиий ҳолатдаги қўлга текканини кўрдим. Аммо ПРО лигада VAR йўқ. Ҳакамларни текширадиган комиссия бор. Уларнинг хулосасини кутамиз.
Ўхшаш янгиликлар
championat.asia
ЖЧ-2022. Марокаш Испанияни турнирдан чиқариб юбориб, тарихда илк марта чорак финалга чиқди!
ЖЧ-2022. Пенальтилар сериясида ғалаба қозонган Хорватия чорак финалга чиқди
ЖЧ-2022. Гонсало Рамоснинг бенефисига айланган ўйин ёхуд Португалия Швейцарияни тор-мор этиб, чорак финалга йўл олди
ЖЧ-2022. Бразилия Жанубий Кореяни йирик ҳисобда мағлуб этиб, навбатдаги чорак финалчига айланди
Фикрлар
Бухоролик мухлиснинг дарди..
26 сентябрь,Яйпан,эрталаб яхши кайфиятда бугунги футболни уйлаб нонушта килдим. Яйпаннинг тоза хавоси бугунги уйин янада яхширок утишига ишонч багишлади. Стадионга кета етиб бугун шиддатли,европача уйин булишини кутдим. Майдон идеал холатда,мухлислар жамланишни бошлашди,жамоалар уйинга кириб келиши ,хаяжонланиб кетдим. Хакам,унинг хуштаги ва уйин бошланди. Симуляциясиз,"автобус" тактикасиз,очик ва замонавий уйин кишини кувонтирди. Аммо,лекин,бирок.. хуштаклар кироли , нервлар кушандаси,кора кийимдаги дахшатли Махлук уйинни тубдан узгартирди. Биринчи пенальти майли,бор эди,тан оламан. Аммо иккинчи пенальтичи,у каердан уйлаб топилди, олдиндан репетиция килинганмиди еки шунчаки импровизация? Еки пенальти учун олинган пулни халоллаш эдими? Бу пенальти хам майли,Бухоронинг уйинчиси тупни ошираман деганда Туроннинг накд 2 (!!!)уйинчиси кулига туп текганда Хакам яна пул олгани эсига тушиб пенальти белгиламади,пул охиригача халолланмаганди шекилли. Яна бир кичик вазият,Турон жарима зарбаси тепяпти,Хакам хуштакгача тепмайсан деб курсатмаган холатда Турон уйинчилари жарима зарбасини уйнаб кетишяпти ва карийб гол уришяпти,Хакам вазиятни охиригача кузатиб,Турон уйинчиси тупни дарвозага йуллай олмаганидан сунг хуштак чалиб жаримани кайтаддан тепишни сураяпти,шу ерда Хакам олган пул халолланди деб уйладим. Уйин 2-2 хисобида тугади, Туроннинг бу кингир ишларга алокаси бор йуклигини аник билмайман(лекин хамма билади),аммо бундай уйин утказиб уялиши керак бундай замонавий жамоа!
Хакамга эса гап йук,хакикий Эрматовнинг шогирди! Савиялари хам бир хил,Жахон чемпионатига таер! Узи Эрматов келганидан бери хамма хакамлар унга ухшаб кетди янада купрок.
Чемпионатни улдирдингизлар!
P.S.Уйиндан кейин Яйпан шахри Ички ишлар ходимлари биз мухлисларни эзишди,бир мухлисимизни кулларини кайириб олишди. Мана сизга мехмондустлик,мехмонга булган хурмат! Уша ходимларни Бухорога таклиф этамиз,бир курсатиб куярдик мехмондустлик канака булишини.
Бошка гапим йук,колганини виждонинглар айтиб беради.