Ҳаким Фузайлов: "Агар ўрнимга бошқа мураббий топилса, ишдан бўшашга тайёрман"
26 сен 00:11
Янгиликлар
Ҳаким Фузайлов: "Агар ўрнимга бошқа мураббий топилса, ишдан бўшашга тайёрман"
- Ўйин ҳақида фикрингиз?
- Нима дейишим мумкин, "Насаф" чемпионатимиз пешқадами. Улар иккита фронтда ўйнаяпти, шунга қарамай бу жамоага қарши осон бўлмаслигини билардик. Бугун ҳаракат қилдик, аммо ютқазиб қўйдик. Олдинда ҳали 7та тур бор, кураш давом этади. Мағлубиятлар клуб раҳбарияти ва мухлисларимизнинг жонига тегиб кетган бўлиши мумкин. Тўғриси, ўзим ҳам бундан чарчадим. Агар ўрнимга бошқа мураббий топиладиган бўлса, ишдан бўшашга тайёрман. Жуда толиқдим.

- Бугун жамоангиз дуранг қайд этиши мумкин эди.
- Нафақат дуранг, балки ўз имкониятларимизни йўққа чиқармаганимизда ютиб кетишимиз ҳам мумкин эди. Чунки биринчи таймда ҳам, иккинчи бўлимда ҳам қулай вазиятларга эга бўлдик. Имкон бўлди дегунча кўп вазият яратяпмиз, лекин фойдаланишга келганда оқсоқлик бор. Шунинг учун яхши ўйнаяпмиз деган гаплардан чарчадим.
Мағлубият бу - мағлубият. Барибир ютқазсанг ишдан чарчайсан. Тўғри, жамоамиз яхши ўйин кўрсатяпти, лекин натижа бўлмаяпти. Жамоани чиройли ўйин эмас, қўлга киритилган очколар Суперлигада сақлаб қолади. Ўйлашимча, мухлисларимиз ҳам зиқ бўлиб кетишди. Ҳаммаси раҳбарият қўлида, қарорни улар чиқаради, менинг ўрнимга кимнидир олиб келишса шу заҳоти ишдан кетаман. Чунки жамоани Суперлигада олиб қолиш керак.
- "Хоразм" аксар голларни 75-80-дақиқалардан кейин ўтказиб юборяпти. Бу жамоанинг жисмоний ҳолати билан боғлиқми?
- Футболчиларимизнинг жисмоний ҳолати яхши. Биз ўйин бошидан охиригача бир хил ҳаракат қила оламиз. Фақат концентрация йўқолиб қоляпти, шунинг учун голлар ўтказиб юборяпмиз. Ҳаттоо ўйиннинг охирги дақиқаларида ҳам ҳужум қила оламиз, фақат якуний зарбани бера олмаяпмиз.
Ўхшаш янгиликлар
championat.asia
Элит ОЧЛ. "Насаф" меҳмонда "Шабаб Ал Аҳли"га йирик ҳисобда мағлуб бўлди
Арда Гюлер: "Алонсо дарвозада турасан деса, қўлқоп сотиб оламан"
ОЧЛ-2. Ҳакамга тиббий ёрдам кўрсатилган ўйинда "Андижон" 3-марта 0:0 ҳисоби қайд этди. Бу галги рақиб – "Ал Ҳалдия"
ЕЧЛ. "Барселона" "Эл Класико"дан аввал "Олимпиакос"ни йирик ҳисобда таслим этди
Фикрлар