Гвардиола: "Сўнгги йилларда "Бавария" кийиниш хонасидаги маълумотлар жуда кўп маротаба тарқалиб кетди"
07 май 2016 11:41
Янгиликлар

Гвардиола: "Сўнгги йилларда "Бавария" кийиниш хонасидаги маълумотлар жуда кўп маротаба тарқалиб кетди"

"Бавария" бош мураббийи Хосеп Гвардиола ОАВда эълон қилинган клуб тиббий хизмати билан можаро борасида изоҳ берди.

"Одатда жамоа кийиниш хонасидаги гап-сўзлар ўша ерда қолади. Ким бу маълумотларни тарқатаётган бўлса, ўша биринчи навбатда менга қарши. Келаси мавсум бошқа клубда бўламан, шу сабабли бу энди мени муаммойим эмас, "Бавария"ники бўлади. Бундай воқеа сўнгги уч йил ичида жуда кўп содир бўлди.

Футболчи ва ходимларга ўз фикримни етказиш мен учун одатий ҳолат. "Каламуш"лик қилаётган келаси мавсумда ҳам клубда қолса керак. У шу йўл билан менга эмас, клубга зарар етказаётганини тушунмаяпти.

Бу ерда қўлимдан келган барча ишни бажардим. Агар журналистлар мен Чемпионлар лигасида ғалаба қозона олмаганимни ёзмоқчи бўлишса, марҳамат" - дейди Гвардиола.

Ҳавола :

Манба : The Guardian

Янгиликларни Телеграмда ўқинг!

Рейтинг: +13