Пеп Гвардиола Энцо Мареска номзодини "Манчестер Сити" бош мураббийлигига маъқуллади.
Бундан олдинроқ, "Челси"да ишлаган италиялик мутахассис "Сити"да Пепнинг ўрнини эгаллаши ва уч йиллик шартнома имзолаши маълум бўлган эди.
"talkSPORT" хабарига кўра, Йохан Кройффдан таҳсил олган ва унинг мураббийлик фалсафасини ривожлантирган Пеп Манчестер клубида ўз меросини сақлаб қолишдан манфаатдор.
Шу сабабли, у илгари ўз мураббийлар штабида фаолият юритган Маресканинг тайинланишини қўллаб-қувватлади. Гвардиола ҳатто спорт директори Угу Виана билан биргаликда янги мураббий бўйича қарор қабул қилиш жараёнида шахсан иштирок этган.
