Гвардиола "Манчестер Сити"даги иши Чемпионлар Лигаси орқали баҳоланади деб ҳисоблайди

48 ёшли испаниялик мутахассис инглиз клубини 2016 йил февралда қабул қилиб олган. У 2018/19 йилги мавсумда Англия кубоги, Лига Кубоги ва АПЛ чемпионлигини қўлга киритди. "Шаҳарликлар" Чемпионлар Лигасида эса ярим финалдаёқ тўхташга мажбур бўлишди.

- Охир-оқибат менинг ишим Чемпионлар лигаси орқали баҳоланадигандек кўринмоқда. Агар биз бу кубокни қўлга киритмасак, бу етарли деб ҳисобланмайди. "Барселона" билан 4 йил ичида икки марта ЧЛ мусобақаси кубогини бошимиз узра баланд кўтардик. Энди буни "Манчестер Сити" билан амалга ошириш зарур. АПЛ да тўпланган очколар кўзни қувонтиради. Аммо, биз Чемпионлар лигасида ғалаба қозонишни истаймиз.