Гвардиола: "Бу ахмоқона тақвим ўйинчиларимизни ўлдиради"
24 июл 2019 10:34
Янгиликлар

Гвардиола: "Бу ахмоқона тақвим ўйинчиларимизни ўлдиради"

"Манчестер Сити" бош мураббийи Хосеп Гвардиола футболчиларга нисбатан тузилган нотўғри тақвимдан шикоят қилди.

Мураббийнинг сўзларига кўра, футболчиларда етарлича ҳордиқ чиқариш учун вақт йўқ.

"29 ёки 30 июлда айрим футболчилар клуб ихтиёрига келиб қўшилишади. Уларга тўлақонли дам олиш имкониятини бериш керак. Африка Кубогида иштирок этган Маҳрез яқиндагина мавсумни якунлаган эди, ҳозирда эса янги мавсум бошланишига оз қолмоқда".

"Бу ахмоқона тақвим футболчиларимизни ўлдиради. Биз бундай даражага узоқ вақт дош беролмаймиз", - дейди мутахассис.