Гвардиола "Бавария"ни янги мавсумга тайёрлашни бошлади

Беш кун илгари Херман Герланд қўли остида янги мавсумга тайёргарлики бошлаган "Бавария" футболчилари бугундан эътиборан бош мураббийи Хосеп Гвардиола бошчилигида машғулотларни давом эттиришади.
Айни пайтда машғулотларда жамоага янги келиб қўшилган футболчилар Роберт Левандовски, Себатьян Роде, Хуан Бернат, жароҳатидан фориғ бўлган Бадштубер, Тиаго Алкантара, Давид Алаба каби футболчилар иштирок этишмоқда. Хави Мартинез сешанба кунидан бошлаб машғулотларга киришади. Жаҳон чемпионалари Мануэль Нойер, Филипп Лам, Бастиан Шванйштайгер, Марио Гётце, Жером Боатенг ва Томас Мюллер каби футболчиларга 3 ҳафталик таътил берилган ва улар янги мавсумга тайёргарликни 1 августдан бошлашади. Тони Кроос эса яқин кунлар ичида расман "Реал" аъзоси сифатида таништирилиши кутилмоқда. Жароҳатидан фориғ бўлаётган Франк Рибери ҳам яқин кунлар ичида машғулотларга киришиши кутилмоқда. Жаҳон чемпионати бронза медали соҳиби Арьен Роббенга ҳам таътил берилган.