Гвардиола АПЛ чемпионлиги учун курашаётган жамоаларни баҳолади

Ҳозирда унинг клуби турнир жадвалида иккинчи ўринда турибди ва "Арсенал"дан атиги икки очко орқада. Бугун, 3 декабрь куни "Арсенал" "Брентфорд" билан ўйин ўтказади.

"Улар жуда кучли ва ишончли. Бизга қийин бўлишига тайёрланишимиз керак, лекин шу билан бирга Премьер-лига мавсуми узоқ давом этишини ҳам унутамаслик лозим. Мен Премьер-лиганинг энг ёши катта мураббийиман ва узоқ масофада ўзимни яхши кўрсатиш ҳамда чемпионликни қўлга киритиш учун етарли тажрибага эгаман.

Энцо (Мареска) билан "Челси" мени кундан-кунга кўпроқ ҳайратга солмоқда. Ҳали кўп воқеалар рўй беради. Биз олтита Премьер-лигада ғалаба қозондик, шундан тўрт ёки бештасида январь ёки февралда орқада қолганимизда ҳам ютгандик. Премьер-лигада ғолиб чиқадиган жамоа - бу ҳар ойда ривожланиб борадиган жамоа ва биз айнан шундай қилишга ҳаракат қиляпмиз," - дея Гвардиоланинг сўзларини Manchester Evening News келтиради.

"Арсенал" АПЛда 13 ўйинда 30 очко тўплаб, турнир жадвалида пешқадамлик қилмоқда. "Манчестер Сити" 14 ўйинда 28 очко билан иккинчи ўринда турибди. 13 ўйинда 24 очко тўплаган "Челси" учинчи поғонани эгаллаб турибди.