Григорий Колосовский: "Катта ҳудудий устунликка эга бўлдик"

Ўйин ҳақида

- Катта ҳудудий устунликка эга бўлдик. Бу ўйинда ҳам голга тортадиган кўплаб вазиятлар яратдик. Муаммо яна ўша-ўша: вазиятлардан фойдаланиш қийин бўлмоқда. Бироқ бугунги ўйинда режа қилинган кўплаб ишларимиз ўхшади. Рақиблар ёш футболчилар ҳаракат қилишди, прессинг қилишди, мураббийи бошқариб турди, қайсидир вазиятларда бизга муаммолар яратиб турди. Биз бундан осонлик билан чиқиб кета олдик. Жаримадан устун пойланган вазиятдан ташқари уларда бошқа вазият бўлгани йўқ. Рақибни яхши ўрганиб чиққандик, нималарга қодирлигини билардик. Шунда ҳам ўша хатоларга йўл қўйдик. Ўша вазиятда тартиблироқ ҳаракат қилишимиз керак эди. Жарималарга тайёр бўлишимиз керак бўлганди. Ха, тўртта гол урган бўлсак ҳам кўпроғини истагандик. Доим ҳам биз истагандек бўлмас экан. 

- Рақиблар ҳақида нима дея оласиз?

- "Жайхун" - ёш жамоа. Улар яхши ҳаракат қилишмоқда, мураббийнинг фаолияти кўриняпти. Жамоа ёмон эмас.

- 3 кундан кейин "Локомотив"ни Бухорода кубок ўйини кутиб турибди.

- Ҳозир энг асосийси тезроқ тикланиб олиб, яхши ҳолатда етиб бориш керак. Барчаси шу ўйинда ҳал бўлади. Яхши натижа қайд этишга ҳаракат қиламиз. Биз ҳам ёш бола эмасмиз, қўлимиздан келганини қиламиз.

Про лига. "Локомотив" "Жайхун"ни йирик ҳисобда таслим этди, "темирйўлчилар"да 3 та ўйинда 3 та ғалаба