Гнабри "Бавария" билан янги шартнома борасида келиша олмаяпти

Журналист Флориан Плеттенбергнинг сўзларига кўра, 26 ёшли футболчи Мюнхен жамоасида қолишни истайди, бироқ таклиф қилинган молиявий шартлар уни қониқтирмаяпти. Немис футболчиси бонусларни ҳисобга олмаганда йилига тахминан 15 миллион евро ишлаб олмоқчи.

Манба, шунингдек, ярим ҳимоячига "Реал Мадрид", "Барселона", "Ливерпуль" ва "Манчестер Юнайтед" клублари қизиқиш билдираётгани ҳақида хабар берди.

Гнабрининг "Бавария" билан амалдаги шартномаси 2023 йилнинг ёзига қадар мўлжалланган. Жорий мавсумда футболчи барча турнирларда 27 та ўйин ўтказиб, 12 та гол урди ва 7 та голли узатмани амалга оширди.