Геворкян тақдирланди
02 июн 2015 06:32
Янгиликлар

Геворкян тақдирланди

“Насаф” сардори ва етакчиси, туркманстонлик Артур Геворкяннинг Ўзбекистондаги фаолияти давомида урган голлари сони 100 дан ошганлиги ҳақида илгари хабар берганди.

Ўзбекистон чемпионати, Ўзбекистон Кубоги, ОЧЛ ва ОФК мусобақаларида жамоаларимиз сафида юзлик маррани забт этган футболчини Ўзбекистоннинг ХХ асрдаги энг яхши футболчиси деб тан олинган Геннадий Красницкий номидаги тўпурарлар клубига қабул қилинишидан хабарингиз бор. Артур Геворкян 2006-2009 йиллар мобайнида "Шўртан" сафида Олий лига доирасида 98 ўйин ўтказиб, рақиблар дарвозасини 24 маротаба ишғол этганди. 2010 йилда Тошкентнинг "Пахтакор" клубида бир мавсумни ўтказган Артур Геворкян Олий лига учрашувларида 23 беллашувда майдонга чиқиб, 2 бор гол киритишни уддасидан чиққанди. 2011 йилдан бошлаб "аждар"га айланган Артур Геворкян "Насаф" либосида Олий лигада 100дан ортиқ ўйин ўтказишга улгурди ва рақиблари дарвозасини 56 маротаба ишғол этди. Шу тариқа жамоамиз сафида бешинчи мавсумни ўтказаётган Геворкян бугунги кунда голлари сони 102 тага етказди.

Шу муносабат билан бугун “Насаф”-“Сўғдиёна” учрашувидан олдин жамоамиз сардорига Ўзбекистон футбол федерацияси фахрийлар кенгаши раисининг ўринбосари Тўлаган Исоқов махсус соврин топширди.

Ҳавола :

Манба : fcnasaf.uz

Янгиликларни Телеграмда ўқинг!

Рейтинг: