Германияда ўйин ирқчилик можароси туфайли тўхтатилди — бу ҳолат мамлакатда илк марта содир бўлди
20 дек 2021 00:51
Янгиликлар

Германияда ўйин ирқчилик можароси туфайли тўхтатилди — бу ҳолат мамлакатда илк марта содир бўлди

Германиядаги учинчи дивизион Бундеслига доирасидаги "Дуйсбург" – "Оснабрюк" баҳси жанжал билан якунланди.

Биринчи бўлимнинг 36-дақиқасида ҳар икки жамоа кийим алмаштириш хонасига йўл олишди ва ўйин давом эттирилмади.

Воқеага трибунадаги мухлисларнинг ўзини тутиши сабаб бўлди, улар меҳмонлар футболчиси Аарон Опокани ирқчилик асосида ҳақоратлай бошлади. Натижада бошқа футболчилар норозилик сифатида ўйинни давом эттиришдан бош тортдилар.

"Дуйсбург" ва унинг мухлисларига қандай жазо тайинланиши ҳозирча маълум эмас. Манбанинг хабарига кўра, лига раҳбарияти зудлик билан текширув ишларини бошлайди. Шунингдек, бу ҳодиса мамлакатдаги профессионал мусобақалар доирасида биринчи марта содир бўлгани қайд этилган.

Ҳавола :

Манба : NRZ

Янгиликларни Телеграмда ўқинг!

Рейтинг: -16