Гаттузо: “Наполи” футболчилари камроқ гапириб, кўпроқ ишлаши керак

“Мен кучли футболчилар билан ишлаяпман. Аммо буни вақти-вақти билан эслатиб туриш керак. Мен уларга Италия Кубоги ярим финалидаги ғалабадан сўнг ҳам айтдим: биз камроқ гапириб, кўпроқ ҳаракат қилишимиз керак. Ушбу ўйинчиларнинг кўпчилиги келаси мавсум ҳам жамоанинг бир бўлаги бўлади. Улар эса индивидуал эмас, жамоавий тарзда ўйлаб ғолиблик руҳини шакллантириши керак. “Наполи” сўнгги икки йилда олға қадам ташлаши керак бўлган, аммо бир жойда қотиб қолган жамоа бўлиб қолди. Биз руҳий жиҳатдан заиф эдик, унинг устида ишлаш лозим. Футболчилар кучлироқ бўлиш учун кундан кунга яхши ишлаш кераклигини тушуниши лозим. Боиси фақат потенциалнинг ўзи камлик қилади”, — дейди Гаттузо.

“Наполи” 48 очко тўплаган ҳолда 5-6-ўринларни “Рома” билан бўлишиб турибди.