Гаттузо касаллиги ҳақида: “Айримлар бир ойлик умрим қолган деб ўйламоқда”

“Сўнгги 12 кун давомида ўзимда эмасдим. Мен барчага, айниқса, ойнага қараб, ғалати ёки ноодатий нарсани кўрадиган болаларга мурожаат қилмоқчиман: ҳаёт гўзал. Барчасини қадрига етинг.

Йигитлар ҳам мени бу ҳолатда кўриб, азоб чекишмоқда, буни биламан, аммо тирикман. 10 йилдан бери миастения касаллиги билан оғрияпман, учинчи маротаба бундай кучли таъсир юз бермоқда. Бироқ, бу ўтиб кетади ва кўзим ҳам ўз жойига келади.

Гап фақат ташқи кўринишимда эмас. Бундай ҳолатда ўзингизни ҳақиқатан ҳам жуда оғир ҳис этасиз. Кунига 24 соат давомида кўзлар буюмни тўғри кўра олмайди, бу чарчатади. Фақат мен каби аҳмоқ ишлашда давом этади.

Барибир, ҳаётимда бундан ҳам ёмонроқ нарсалар бўлган. Баъзилар эса яшашимга бир ой вақт қолган деб ўйламоқда, аммо ишонтириб айтаманки, барчаси жойида. Бир кун келиб вафот этсам, ўзим яшаган жойга боришни истайман: футбол майдонига”, дейди Гаттузо.

Эслатиб ўтамиз, Гаттузо миастения – аутоиммун касаллигига чалинган. Бу мушакларнинг патологик тез чарчаши билан юз берадиган хасталик ҳисобланади.