Гарсия: "Мюнхендаги мағлубиятга қармасдан "Рома"нинг ўйинидан кўнглим тўлди"

"Бавария" қанчалик кучли эканлигини биламиз, аммо бугун тўғри тактик ва руҳий йўл танладик. Рақиб икки гол ургани жуда аламли, чунки уларда имкониятлар кўп бўлмади. Бизга эса дунёдаги энг яхши дарвозабон ҳалақит берди. Учрашув мен ўйлаганимдек ўтди. Мағлубиятга қарамасдан футболчиларимдан кўнглим тўлди. Агар шу йўсинда давом этсак, кейинги ўйинларда ўзимизни кўрсата оламиз.

Агар кимдир менга "Бавария"га қарши икки ўйиндан кейин иккичи ўринни сақлаб қолишимизни айтганида жуда хурсанд бўлардим. Энди ҳаммаси ўз қўлимизда. Бор-йўғи иккита учрашув қолди. Кейинги босқичга чиқиш учун имкониятимиз бор" - дейди Гарсия.