Гарри Невиллнинг фикрича, "Манчестер Юнайтед" Моуриньони истеъфога чиқармаслиги керак

"Англия Кубогидаги ғалабадан сўнг Луи ван Гал ишдан олинган, Мойес чемпионат якунланишига тўртта тур қолганда истеъфога чиқарилган эди. Моуриньонинг учинчи мавсум синдромига оид кўплаб янгиликларни ўқидим, аммо бунинг ҳаммаси тарихнинг бир қисмига айланди. Менимча, "Манчестер Юнайтед" мураббийлик позициясида барқарорликка эришиши лозим.

Менимча, Моуриньо ва Вудворд ўзаро муносабатдаги муаммоларни ҳал қилиши керак. Клуб шахсий қизиқишлардан устун туради, ҳозир ички кураш ва сиёсат учун яхши вақт эмас. Бор-йўғи 3та тур ўтди - португалиялик мутахассиснинг истеъфосини муҳокама қилишга ҳали эрта. Моуриньо майгача ишлаши лозим ва агар у ўз вазифасини уддалай олса, келаси мавсум ҳам жамоада қолиши мумкин" - дейди Невилл.