Футзал: Учта гол Ўзбекистонни мағлубиятдан сақлаб қола олмади

Учрашувнинг иккинчи дақиқасида Фарҳод Тавакколининг аниқ зарбаси туфайли эронликлар ҳисобни очишди. 7-дақиқада Эрон терма жамоаси тезкор қарши ҳужумни ўтказиб юборишди. Фарҳод Абдумавлонов ҳисобни тенглаштирди.

Икки дақиқа ўтар-ўтмас Эрон терма жамоаси яна олдинга чиқиб олди. Ўзбекистон терма жамоаси футзалчиларининг қўпол хатосидан сўнг, Ҳуссайн Тойиби қийинчиликсиз гол урди.

16 дақиқада футзалчиларимиз стандарт ишлаб олишди ва ундан Даврон Чориев унумли фойдаланди - 2:2.

Биринчи бўлим якунланишига бир дақиқа қолганида Қудрат Баҳодорининг аниқ ва кучли зарбасини Рустам Умаров бартараф эта олмади. Жамоалар танаффусга 3:2 ҳисобида чиқиб кетишди.

Иккинчи бўлимнинг деярли ярми голларсиз ўтди, аммо баҳснинг 29-дақиқасида Ҳуссайн Тойиби эронликларнинг тўртинчи голига муаллифлик қилди ва яна бир бор Осиёнинг энг яхши ўйинчиларидан бири эканлигини исботлади.

33-дақиқада баҳсдаги энг чиройли гол урилди ва ўша тўп эронликлар дарвозасига кириб кетди. Жавлон Аноров майдон марказидан рақиб дарвозаси томон кучли зарба берди ва рақиб жамоа посбони қимирлашга ҳам улгурмади.

Учрашув якунланишига бир дақиқа қолганда эронликлар Ўзбекистон терма жамоасининг ҳужумини йўққа чиқаришга муваффақ бўлишди. Ўша пайтда ҳамюртларимиз ўйновчи дарвозабон билан ҳаракат қилишаётган эди. Маҳди Жавид бўш дарвозани нишонга олишга қийналмади.

Жавиднинг бу гол учрашув тақдирини ҳал қилди, аммо сўнгги дақиқада Маҳди дубль қайд этди ва натижада, Эрон 6:3 ҳисобидаги ғалабага эришди.

Ўртоқлик учрашуви
29.08.2016, Машҳад, Эрон

Эрон - Ўзбекистон 6:3 (3:2)
Голлар: Фарҳод Тавакколи (2), Хуссайн Тойиби (9, 29), Қудрат Баҳодори (19), Махди Жавид (39, 40) – Фарҳод Абдумавлонов (7), Даврон Чориев (16), Жавлон Аноров (33).

Эрон
Дарвозабонлар: 2.Алиризо Самими, 1.Сапехр Муҳаммади;
Ўйинчилар: 3.Жавад Эсфандиари, 4.Муҳаммад Кешаварз, 5.Ҳамид Аҳмади, 13.Фарҳод Тавакколи, 17.Саид Афшар, 6.Муҳаммад Реза Сангсефиди, 8.Қудрат Баходори, 12.Аҳмед Исмоилпур, 11.Афшин Козими, 10.Муҳаммад Тоҳири, 16.Мехран Алихадр, 7.Саид Аббоси, 14.Махди Жавид, 15.Ҳуссайн Тойиби, 9.Бехруз Жафари, 18.Муҳаммад Шаджари.

Ўзбекистон
Дарвозабонлар: 1.Рустам Умаров, 12.Акмал Хазратқулов;
Ўйинчилар: 3.Нодир Элибоев, 11.Артур Юнусов, 14.Константин Свиридов, 10.Жавлон Аноров, 7.Дилшод Раҳматов, 2.Дилшод Ирсалиев, 8.Фарҳод Абдумавлонов, 13.Феруз Фахриддинов, 4.Шуҳрат Тожибоев, 5.Даврон Чориев, 6.Машраб Одилов, 9.Илҳом Ҳамроев.