Футзал. Ўзбекистон шармандали тарзда U-20 Осиё чемпионатига чиқа олмади
03 дек 17:35
Янгиликлар
Футзал. Ўзбекистон шармандали тарзда U-20 Осиё чемпионатига чиқа олмади
Биринчи турда Қирғизистонни 6:3 ҳисобида мағлуб этган Ўзбекистон терма жамоаси Тожикистонга 2:7 ҳисобида ютқазиб қўйди ва гуруҳда сўнгги ўринни банд этди. Тожикистон иккинчи ўрин билан плей-оффда ўйнайдиган бўлди.
16:00. Ўзбекистон - Тожикистон 2:7
Бош ҳакам: Аҳмад Хавкар (Ироқ), Муҳаммад Шами (Ливан)
Голлар: Муҳаммад Зоиров 1:0. Муҳаммад Ражабов 1:1. Муҳаммад Ражабов 1:2. Муҳаммад Ражабов 1:3. Шахзоджон Садиев 2:3. Идрис Йоров 2:4. Фаридун Неъматов 2:5. Сабуров Холид 2:6. Сабуров Холид 2:7.
Ўзбекистон: 12.Акобиржон Шокиржонов, 4.Шахзоджон Садиев, 6.Муҳаммад Зоиров, 7.Илҳомжон Каримов, 10.Асли Муҳаммадиев
Захира: 1.Шерзод Ортиқов, 2.Юнус Рўзибоев, 3.Олимжон Воҳидов, 5.Лазиз Убайдуллоев, 8.Давлат Ибрагимов, 9.Абдулла Солиҳов, 11.Пўлат Олимов, 13.Элбек Тўлқинов, 14.Фируз Аҳроров
Тожикистон: 1.Сирожиддин Хусайнов, 8.Муҳаммад Ражабов, 10.Фаридун Неъматов, 11.Рамз Амрохонов, 14.Насим Шарипов
Захира: 2.Муроджон Муродов, 3.Самандар Ризомов, 4.Фарзод Касиров, 5.Бахтиёр Солиев, 6.Мирзорауф Умаров, 7.Идрис Йоров, 9.Сабуров Холид, 12.Рабижон Рабиев, 13.Сомон Саидзода
"B" гуруҳи
Қирғизистон – Ўзбекистон 3:6
Тожикистон – Қирғизистон 1:6
Ўзбекистон – Тожикистон 2:7
№ | Жамоа | Ў | Ю | Д | М | Т-Н | О |
1 | Қирғизистон | 2 | 1 | 0 | 1 | 9:7 | 3 |
2 | Тожикистон | 2 | 1 | 0 | 1 | 8:8 | 3 |
3 | Ўзбекистон | 2 | 1 | 0 | 1 | 8:10 | 3 |
Ўхшаш янгиликлар
championat.asia
Осиё Кубоги-2019. Австралия пенальтилар сериясида Ўзбекистондан устун келди
Эктор Купер: "Шогирдларим билан, жамоам билан фахрланаман"
19 йил деганда Ўзбекистон терма жамоаси 1/4 финалга чиқа олмади
Бугун 19:00. Австралия - Ўзбекистон
Фикрлар
Ўзбекистон U20 терма жамоаси осиё чемпионати йўлланмасини қўлга киритиш имкониятини шармандаларча бой берди. Тожикистондан 2:7 ҳисобида мағлубиятга учраган ватандошларимиз Қирғизистон ва Тожикистон жойлашган В гуруҳида энг охирги ўринни эгалладилар.
Майли, тўп думалоқ, футзал майдони футболникидан ҳам теп-текис, ҳар қандай кутилмаган натижалар бўлиши мумкин. Аммо, муваффақиятсизликка мураббийларимизнинг оддий ҳисоб-китобни билмаслиги ҳам сабаб бўлса, ҳайрон қолар экансиз.
Ўзбекистон 1-турда Қирғизистонни 6:3 ҳисобида ютган бўлса, кейинги ўйинда қирғизлар Тожикистон устидан 6:1 ҳисобида устун келгандилар.
Демак, оддий ҳисоб-китоб қилиб кўрсак, Ўзбекистон футзалчилари дурангга эришса ёки 1та тўп фарқи билан мағлубиятга учраса, гуруҳда биринчи ўринни, агар 5та тўп фарқи билан мағлубиятга учраса, охирги ўринни эгаллаши аниқ эди.
Ўйин пайтида, ҳисоб тожиклар фойдасига 2:5 бўлиб тургандан бошлаб, Ўзбекистон терма жамоаси мураббийлари вақти вақти билан дарвозабон ўрнига бешинчи футзалчини тушира бошладилар. Буни тушунса бўлади, ҳисобни тенглаштириш, ғалаба қозониш орқали гуруҳдаги 1-ўринни сақлашга уриниш табиий ҳол. Чунки, 2-ўринга тушиб қолсак, А гуруҳининг 2-жамоаси (Афғонистон) билан ўтиш ўйинида майдонга тушишга тўғри келар эди.
Аммо, ўйин тугашига 19 сония қолганда, ҳисоб рақиб фойдасига 2:6 бўлиб турганда, дарвозабон ўрнига бешинчи футзалчини туширишдан қандай фойда бор эди? Ахир бу вақтда ҳисобни тенглаштириш тугул, ўша бизни гуруҳда 1-ўринда қолдирадиган ҳолатга қайтиш учун ҳам 3 та гол талаб қилинарди-ку?
Аксинча, 2:6 ҳисоби бизга ҳеч бўлмаса, 2-ўринни олиб, кейинги босқичга чиқиш имкониятини қолдирарди. Тожикистон футзалчилари эса 7-голни уриб, ҳисобдаги фарқни керакли 5тага ошириши зарур эди.
Вазият рақиб эмас, бизнинг фойдамизга бўлиб турганида, бундай ўзгаришни амалга ошириш учун икки сабаб бўлиши мумкин: ё мураббийларимиз қандай ҳисоб бизни қониқтириши борасида маълумотга эга бўлмаганлар, ҳисоблай олмаганлар. Ёки, шунчаки, Осиё чемпионатига боришни истамаганлар. Биринчи вариантга, анча кулгили бўлса-да, ишонгимиз келади.
Қаҳрамон Асланов