Футзал. Тимур Садиров: "Йигитлар билан бир-биримизни яхши тушунаяпмиз"

Тошкентнинг "Ардус" жамоаси дастлабки икки учрашувда "Пахтакор" ва "Когон" жамоаларини йирик ҳисобда мағлубиятга учратишди. Ана шу икки ўйинда "Ардус" таркибида учта тўп киритган Тимур Садировнинг фикрлари билан қизиқдик.

"Кечаги ўйинга келадиган бўлсак, клубимиз ҳар томонлама яхши тайёрланган эди. Йигитлар билан мураббийимизнинг кўрсатмаларини тўлиқ бажаришга ҳаракат қилдик ва шунинг ҳисобига ишончли ғалабани қўлга киритдик деб ўйлайман.

Бугунги ўйин эса кечагисига қараганда қийинроқ ўтди, чунки "Когон" ноқулай рақиб. лекин шунга қарамай, биз рақибни таслим эта олдик.

Иккита учрашувда учта тўп киритганим жамоадошларимнинг мехнати деб ҳисоблайман, йигитлар билан бир-биримизни яхши тушуниб ҳаракат қилаётганимиз эвазига голлар урдим", - дейди Тимур Садиров.