Футзал. Ўзбекистон терма жамоаси Португалияга етиб борди
30 авг 2016 16:26
Янгиликлар

Футзал. Ўзбекистон терма жамоаси Португалияга етиб борди

Колумбиядаги Жаҳон чемпионатига тайёргарликни давом эттираётган футзал бўйича Ўзбекистон терма жамоаси бугун Португалияга учиб борди.

Куни кеча Эроннинг Машҳад шаҳрида Эрон терма жамоасига қарши иккита ўйин ўтказган футзалчиларимиз бугун Португалиянинг Порту шаҳрига учиб боришди.

Хосе Мария Мендез бошчилигидаги жамоамиз 1 сентябрь куни Португалия терма жамоасига қарши ўртоқлик учрашуви ўтказишади. 2 сентябрда эса Ўзбекистонга икки карра Жаҳон чемпиони Испания рақиблик қилади.

6 сентябрда футзалчиларимиз Колумбияда Италия терма жамоаси билан ўйин ўтказишади. Эслатиб ўтамиз, Ўзбекистон мундиални 10 сентябрь куни Панамага қарши ўйин билан бошлайди. 13 сентябрда Колумбия, 16 сентябрда Португалияга қарши ўйнаймиз.

Ҳавола :

Манба : championat.asia

Янгиликларни Телеграмда ўқинг!

Рейтинг: +11