Футзал. Ўзбекистон Осиё чемпионатларида 8-марта совриндор бўлди
11 фев 2018 15:55
Янгиликлар

Футзал. Ўзбекистон Осиё чемпионатларида 8-марта совриндор бўлди

Бугун футзал бўйича Ўзбекистон терма жамоаси Хитой Тайпеида ўтаётган Осиё чемпионатида бронза медалига эга чиқди.

Баҳодир Аҳмедов бошчилигидаги жамоа учинчи ўрин учун баҳсда Ироқни пенальтилар сериясида мағлуб этди (4:4, 2:1 пенальтилар серияси) ва ўз тарихида 4-марта қитъа чемпионати бронза медалини қўлга киритди.

Умуман олганда Ўзбекистон футзал терма жамоаси 8-марта Осиё чемпионатида совриндор бўлди. Мамлакатимиз жамоаси 4 марта кумуш медалларига ҳам эга чиққан.

Охирги учта Осиё чемпионатининг барчасида Ўзбекистон совриндор бўла олди. Терма жамоамиз 2014 йил бронза, 2016 йил кумуш медаллари соҳиби бўлганди.