Футзал. Ўзбекистон МТЖ Озарбайжон билан ўртоқлик ўйинлари ўтказади

Қитъа биринчилигига тайёргарликнинг сўнгги босқичини бошлаш арафасида турган Ўзбекистон миллий терма жамоаси Европанинг кучли терма жамоаларидан бири ҳисобланган Озарбайжон билан иккита ўртоқлик ўйини ўтказиш борасида келишувга эришди. Учрашувлар 21 ва 23 январь кунлари Озарбайжонда бўлиб ўтади. Келишувга кўра, ҳар икки жамоа ўзининг энг кучли таркиби билан тўп тепади.

Баҳодир Аҳмедов бошчилигидаги Ўзбекистон терма жамоаси Озарбайжонга 19 январь санасида учиб кетади.

Эслатиб ўтамиз, Озарбайжон айни пайтда жаҳон рейтингида 1409 очко билан 13-поғонада бормоқда. Вакилларимиз эса 1208 очко тўплаган ҳолда Словакия билан бирга 26-ўринни бўлишиб туришибди.

Осиё чемпионатида 16 терма жамоа 4 гуруҳга бўлинган ҳолда ғолиблик учун кураш олиб боришади. Баҳодир Аҳмедов бошчилигидаги Ўзбекистон МТЖ "C" гуруҳида Баҳрайн, Хитой ҳамда Индонезияга қарши баҳс олиб боради.

Қитъанинг энг кучли 5 жамоаси Литвада бўлиб ўтадиган тўққизинчи мундиалга йўлланмани қўлга киритади.